مەملەكەتتىك ورگاندار حالىقتى ايىپپۇل جايىندا حابارلاندىرمايدى، ءارى ولار اكىمشىلىك ايىپپۇلداردى ءوندىرىپ الۋدا قاۋقارسىزدىق تانىتۋدا. وسى جاعداي جسو قىزمەتىن قيىنداتا ءتۇسىپ، ولارعا دەگەن حالىقتىڭ نارازىلىعىن ارتتىرىپ وتىر. اتالعان ماسەلەلەر جەكە سوت ورىنداۋشىلارى رەسپۋبليكالىق پالاتاسىنىڭ 2017 جىل 9 اي ارالىعىنداعى قىزمەتىنىڭ ناتيجەسى تالداۋ كوللەگياسى كەزىندە تالقىعا سالىندى دەپ جازادى Qamshy.kz اقپارات اگەنتتىگى جسو رەسپۋبليكالىق پالاتاسىنىڭ باسپا ءسوز قىزمەتىنە سىلتەمە جاساپ.

وسىعان وراي، جسو اكىمشىلىك ايىپپۇلداردى ءوندىرىپ الۋ مىندەتىن مەملەكەتتىك ورگاندارعا جۇكتەۋ مىندەتىن تاپسىرۋدى ۇسىندى. ويتكەنى، ولار اكىمشىلىك زاڭ بۇزۋشىلىق كودەكسىندە بەلگىلەنگەن ايلىقتان ايىپپۇل مولشەرىن ۇستاپ قالۋ جانە باسقا دا زاڭ بۇزۋشىلارىنا ىقپال ەتۋ ادىستەرىنە يە.  مەملەكەتتىك ورگاندار حالىقتى ۋاقتىلى حابارلاندىرماعانى ءۇشىن، ولار ەرىكتى تۇردە 30 كۇن ىشىندە تولەۋ ايىپپۇل مۇمكىندىگىنىڭ تەك قاعاز بەتىندە عانا قالىپ وتىرعانىنا كۋا بولىپ وتىر. «اۋادا قالقىپ تۇرعان» ايىپپۇلداردىڭ كوپ بولۋى دا سوندىقتان،- دەيدى جسو.

كوللەگيا بارىسىندا، 2016 جىلى 1 قاڭتاردان باستاپ ايىپپۇلداردى مەملەكەتتىك تابىس ەسەبىنە ءوندىرۋ جەكە سوت ورىنداۋشىلىق قىزمەتىنىڭ دامۋىنا كەرى ىقپال ەتۋدە. مۇنداي سيپاتتاعى ىستەردى قاراۋ قارجىنى تالاپ ەتەتىندىكتەن، سونىمەن قاتار ولاردىڭ كوپتىگىنەن جسو-عا دەگەن قىسىم ارتا ءتۇستى.

ۋاقىتتىڭ تاپشىلىعى، قىسىم، تابىستىڭ ازدىعىنا وراي، ىستەردىڭ اتالعان ساناتىندا 9 اي ارالىعىندا اكىمشىلىك جاۋاپكەرشىلىككە 234 جسو تارتىلدى.

قازىرگى تاڭدا، جسو پورتفەلىندە 2 254 983 وندىرىستەر بار، ولاردىڭ قۇنى 2 378 ملرد. تەڭگەنى قۇرايدى. ونىڭ ىشىندە 914 204 قۇجات (40،5%) 15،3 ملرد. تەڭگەنى قۇرايتىن  اكىمشىلىك ايىپپۇلداردى ءوندىرىپ الۋ وندىرىستەرى. مەملەكەتتىك بيۋدجەتكە 5،3 ملرد تەڭگە ءتۇسىرىلدى.