تاجىكستاندا سوعدى وبلىسى مەشىتىنىڭ يمامىنا ەكستەرميزمگە قاتىسى بار دەگەن ايىپ تاعىلدى، دەپ جازادى Qamshy.kz جەرگىلىكتى باق-قا سىلتەمە جاساپ.
ب ا ق مالىمەتتەرىنە سايكەس، حۋدجانداعى چورۋحداررون اۋىلىنداعى مەشىت يمامىمەن قوسا وتكەن ايدا ءتورت ادام ۇستالعان. تەرگەۋ قىزمەتكەرلەرىنىڭ حابارلاۋىنشا، بەسەۋى دە «قوعامدى ەكسترەميستىك قىزمەتكە شاقىرۋ» بابى بويىنشا ايىپتالدى.
چورۋحداررون باسشىسىنىڭ حاتشىسى نارگيس بەردييەۆانىڭ ايتۋىنشا، كەڭساي اۋىلىندا تۇراتىن 42 جاستاعى يمام يلحوميددين ابدۋللايەۆقا ەلدە تىيىم سالىنعان «ءسالافيزم» ءدىني باعىتىنا قاتىسى بار دەگەن كۇدىك تاعىلدى.
كۇدىكتىلەر حۋدجاندتاعى تەرگەۋ يزولياتورىنا ورنالاستىرىلدى.
ايتا كەتەيىك، تاجىكستاندا سالافيزمگە 7 جىل بۇرىن تىيىم سالىنعان. اتالمىش ءدىني باعىتقا قاتىسى بار تاجىكستاندىق ازامات 5 جىلدان 8 جىلعا دەيىن باس بوستاندىعىنان ايىرىلۋى مۇمكىن.
پىكىر قالدىرۋ