اقش پرەزيدەنتى دونالد ترامپتىڭ «سولتۇستىك كورەيانىڭ تۇبىنە جەتۋگە دايىندالىپ ءجۇرمىن» دەگەن ءسوزىن كحدر تاراپى جاۋاپسىز قالدىرمادى. بۇل جولى پحەنيان اقش-تى «وتتى ۇشقىندارمەن» قورقىتتى، دەپ جازادى Qamshy.kz اقپارات اگەنتتىگى.

پحەنيان دەلەگاسياسىنىڭ تالقىلاۋىندا TASS اقپاراتتىق اگەنتتىگى ءتىلشىسىنىڭ قحدر ءسىم باسشىسى لي ەن حوعا «اقش پەن سولتۇستىك كورەيا اراسىندا كەلىسسوزدەر بولۋى مۇمكىن بە؟» دەپ قويعان سۇراعىنا باسشى: «قازىرگى اقش-تىڭ سولتۇستىك كورەياعا قارسى سانكسيالار جاريالاپ، قىسىم كورسەتىپ ءارى سوعىس ءقاۋپىن ءتوندىرىپ وتىرعان جاعدايدا كەلىسسوزدەر جۇرگىزۋگە قولايلى ءسات جاقىن ارادا تۋادى دەپ ويلامايمىن»، - دەپ جاۋاپ بەردى.

ايتا كەتەيىك، سارسەنبىگە قاراعان ءتۇنى كورەي تۇبەگىنىڭ ۇستىمەن ەكى امەريكاندىق ستراتەگيالىق بومبالاۋشى ۇشاعى ۇشىپ ءوتتى. بۇل تۋرالى وڭتسۇتىك كورەيا اسكەرى ءمالىم ەتتى. امەريكا تاراپى بولعان جاعدايدى جاپوندىق جانە وڭتۇستىك كورەيالىق اسكەري ۇشاقتارىمەن بىرلەسىپ تۇنگى جاتتىعۋلار وتكىزگەنىن ايتتى. Reuters اگەنتتىگىنىڭ حابارلاۋىنشا، وسى ۋاقىتتا اقش پرەزيدەنتى دونالد ترامپ قۇقىق قورعاۋ ورگاندارىنىڭ باسشىلارىمەن سولتۇستىك كورەيانىڭ اگرەسسياسىنا قالاي جاۋاپ بەرۋگە بولاتىن مۇمكىندىكتەردى تالقىلاپ وتىرعان.