بۇگىن حالىق بانكى ورناتقان ەۆرونىڭ باعامى دوللارعا شاققاندا  63.35 تەڭگەگە وسكەن. دوللار ساتىلىمى 335.25 تەڭگە، تيىسىنشە ەۆرو 398.6 تەڭگەنى قۇرايدى. بۇل تۋرالى Qamshy.kz اقپارات اگەنتتىگى جازادى.

JPMorgan ايگىلى امەريكالىق  قارجى حولدينگىنىڭ  ساراپشىسى  ماركو كولانوۆيچ الەمدىك قارجى نارىعىندا ەكىنشى دۇنيەجۇزىلىك داعدارىس ورىن العالى تۇرعانىن ايتادى. ونىڭ سەبەبى وتىمدىلىكتىڭ تومەندىگى، ينفلياسيانىڭ ءجيى جانە جوعارعى قارقىندا بولۋى، كۇيرەگەن قارجى جۇيەسى - وسىنىڭ بارلىعى 2008 جىلعى داعدارىس جاعدايىن قايتالايدى.

JPMorgan داعدارىستىڭ ءدال قاي ۋاقىتتا بولاتىندىعىن اشىق ايتا المايدى، ءبىراق ونىڭ اسەرى 2018 جىلى اق، فەدەرالدىق رەزەرۆتىك جۇيە (فرج) قارجىسىن قىسقارتا باستاعان كەزدە بىلىنە باستايدى.

ماماننىڭ ايتۋىنشا، اقش-تىڭ ءفرج-نى قىسپاققا الۋى نارىقتىڭ قۇلدىراۋىنا الىپ كەلەدى.  2008 جىلى تەك  ساياسي بايلانىستاردىڭ كومەگ ءى ءتيىپ، الەمدى داعدارىستان شىعارعان ەدى. بۇل جولى وكىنىشكە وراي،   رەسەي مەن اقش اراسىنداعى  ساياسي كيكىلجىڭ بۇل جاعدايدى كەرىسىنشە ۋشىقتىرۋى مۇمكىن.

JPMorgan ەسكە سالعانداي، وتكەن جولعى الەمدىك داعدارىس وتىمدىلىكتىڭ تومەندىگىنەن بولعان. بۇل جولى دا ءدال سول سەبەپتى بولۋى مۇمكىن جانە ونىڭ سالدارى ايتارلىقتاي اۋىرتپاشىلىق تۋعىزادى.