مىندەتتى الەۋمەتتىك مەديسينالىق ساقتاندىرۋ جۇيەسى بۇل تۇرعىنداردىڭ دەنساۋلىعىن الەۋمەتتىك تۇرعىدا قورعايتىن مەملەكەتتىك جۇيە. بۇگىنگى كۇنى وبلىستا مىندەتتى الەۋمەتتىك مەديسينالىق مەديسينالىق ساقتاندىرۋ ماسەلەلەرى بويىنشا تۇرعىندارمەن ءاقپاراتتىق-تۇسىندىرۋ جۇمىستارى ءالى دە بەلسەندى جۇرگىزىلۋدە.
وبلىستىق دەنساۋلىق ساقتاۋ باسقارماسىنىڭ باسپا ءسوز قىزمەتىنە سۇيەنسەك، ءمامس جۇيەسى تۋرالى 200-گە تارتا بەينەروليكتەر ءتۇسىرىلىپ، قوعامدىق ورىندارعا سىرتقى جارنامالار مەن اۋديوجارنامالار تۇرىندەگى اقپاراتتار ورنالاستىرىلعان. 500 مىڭعا جۋىق بۋكلەت، 300 مىڭعا جۋىق جول ءجۇرۋ بيلەتتەرى مەن كوممۋنالدىق كاسىپورىنداردىڭ تۇبىرتەگى تاراتىلعان. سونداي-اق تۇرعىنداردىڭ نىسانالى اۋديتورياسىمەن، ياعني جۇمىس بەرۋشىمەن، قىزمەتكەرلەرمەن، مەملەكەتتىك قىزمەتشىلەرمەن ءتۇسىندىرۋ جۇمىستارى ءالى دە جۇرۋدە. جەكە سوت ورىنداۋشىلار القاسىنىڭ جانە قورعاۋشىلار القاسىنىڭ، شارۋا قوجالىقتارىنىڭ، جەكە كاسىپكەرلەرمەن كەزدەسۋلەر ۇيىمداستىرىلعان. «قازاقستاننىڭ 500 ءىرى كاسىپورنى» اكسياسى اياسىندا وبلىستىڭ ءىرى 14 كاسىپورنىندا ءتۇسىندىرۋ جۇمىستارى وتكىزىلگەن. «نۇر وتان» حالىقتىق-دەموكراتيالىق پارتياسى وبلىستىق فيليالدارىندا تۇرعىندارعا كەڭەس بەرۋلەر ۇيىمداستىرىلعان. وبلىستا مىندەتتى الەۋمەتتىك ساقتاندىرۋدى ەنگىزۋ ماسەلەلەرى بويىنشا ءبىرىڭعاي وڭىرلىك Call ورتالىعى جۇمىس ىستەيدى. وبلىستا بارلىعى 3000-عا جۋىق كەزدەسۋلەر ۇيىمداستىرىلىپ، ەرەسەك تۇرعىنداردىڭ 87،3%-ى قامتىلعان. مىندەتتى الەۋمەتتىك ساقتاندىرۋ جۇيەسىنە قاتىسۋشىلارىنا دەر كەزىندە ساپالى مەديسينالىق جانە دارى-دارمەكتىك كومەك كورسەتىلەتىندىگى تۇسىندىرىلۋدە. سونىمەن قوسا مەملەكەت كەپىلدىك بەرگەن تەگىن مەديسينالىق كومەك شەڭبەرىندە جەدەل جاردەم، سانيتارلىق اۆياسيا قىزمەتتەرى مەن الەۋمەتتىك ماڭىزى بار اۋرۋلارعا كورسەتىلەتىن كومەك جانە پروفيلاكتيكالىق ەكپەلەر كىرەتىندىگى ايتىلۋدا. سونداي-اق ءمامس تۋرالى زاڭعا سايكەس قورعا جارنا تولەۋدەن بالالار كوپ بالالى انالار، ۇوس قاتىسۋشىلارى مەن مۇگەدەكتەر، جۇمىسسىز رەتىندە تىركەلگەندەر، ينتەرناتتىق ۇيىمداردا ءبىلىم الۋشىلار مەن تاربيلەنۋشىلەر، وقۋدىڭ كۇندىزگى نىسانى بويىشا وقيتىندار، بالا تۋۋعا، بالا اسىراپ الۋعا بايلانىستى دەمالىستاعىلار مەن زەينەتكەرلەردىڭ بوساتىلاتىندىعى ايتىلۋدا.
گۇلىم اقاپ،
باتىس قازاقستان وبلىسى
