ءماجىلىس ءتوراعاسى نۇرلان نىعماتۋلين سانكت-پەتەربوردا الەمدىك پارلامەنتتىك قاۋىمداستىقتى ەلباسىمىزدىڭ  كونترتەرروريستىك باستامالارىن قولداۋعا شاقىردى دەپ حابارلايدى Qamshy.kz اقپارات اگەنتتىگى.

بەيبىت سۇحباتتى ىلگەرىلەتۋگە باعىتتالعان كۇش-جىگەردى بىرىكتىرۋ ءۇشىن الەمنىڭ 160-تان اسا ەلىنەن پارلامەنتشىلەر جينالدى.

قازاقستان مەن مەملەكەت باسشىسى ن.نازاربايەۆتىڭ ايماقتىق جانە جاھاندىق قاۋىپسىزدىكتى نىعايتۋداعى ۇسىنىستارى تۋرالى پارلامەنت ءماجىلىسىنىڭ ءتوراعاسى ن. نىعماتۋلين تاۆريا سارايىندا وتكەن پارلامەنتارالىق وداقتىڭ 137ء-شى اسسامبلەياسىنا سويلەگەن سوزىندە ايتتى.

"قازاقستان پرەزيدەنتى نۇرسۇلتان نازاربايەۆ 2015 جىلى نيۋ-يوركتە بۇۇ باس اسسامبلەياسىنىڭ 70-سەسسياسىندا بىرىككەن ۇلتتار ۇيىمى ۇرانىمەن تەرروريزمگە قارسى عالامدىق كواليسيانى قۇرۋعا باعىتتالعان حالىقارالىق تەرروريزمگە قارسى ءىس-قيمىل جونىندەگى ءبىرقاتار  باستامالار ۇسىندى.

ءبىز پارلامەنتارالىق وداققا مۇشە-مەملەكەتتەر پارلامەنتىندەگى ارىپتەستەرىمىزدى قازاقتان پرەزيدەنتىنىڭ بىرىككەن ۇلتتار ۇيىمىنىڭ اياسىندا «تەرروريزمنەن ازات الەمگە قول جەتكىزۋ جونىندەگى مىنەز-قۇلىق كودەسكىن»  ازىرلەۋ جانە قابىلداۋ تۋرالى باستاماسىن قولداۋعا شاقىرامىز.

بۇل ءححى عاسىردىڭ ەڭ ءقاۋىپتى قاتەرلەرىنىڭ ءبىرى تەرروريزمگە قارسى كۇرەستە الەمدىك پارلامەنتارالىق قاۋىمداستىقتىڭ سالماقتى ۇلەسى بولادى  دەپ سەنەمىن"، - دەدى ن.نىعماتۋلين.

سونداي-اق، ءماجىلىس ءتوراعاسى قازاقستاندا قالىپتاسقان جانە تابىستى دامىپ كەلە جاتقان كونفەسسياارالىق جانە ەتنيكاارالىق ءۇنقاتىسۋدىڭ بىرەگەي مودەلى تۋرالى اڭگىمەلەدى.

ونىڭ باستى قاعيداتتارىنىڭ قاتارىندا ن.نىعماتۋلين ەتنو-كونفەسسيالىق مۇددەلەردى ىسكە اسىرۋدا ەلىمىزدىڭ بارلىق ازاماتتارى ءۇشىن

كونستيتۋسيالىق جانە قۇقىقتىق قامتاماسىز ەتۋدەگى تەڭ مۇمكىندىكتەر تۋرالى ايتتى.

قازاقستاننىڭ ەتنيكالىق توپتارىنىڭ مادەنيەتى مەن تىلدەرىن دامىتۋعا، ۇلتارالىق كەلىسىمنىڭ ءتيىمدى ينستيتۋتتارىن قالىپتاستىرۋعا، سونداي-اق ءدىنارالىق  ديالوگقا باعىتتالعان ماقساتتى مەملەكەتتىك ساياساتتى دا اتاپ ءوتتى.

ءماجىلىس ءتوراعاسى ەلىمىزەگى ەتنوسارالىق قاتىناستاردى ۇيلەستىرۋدىڭ بىرەگەي ينستيتۋتىنا اينالعان قازاقستان حالقى اسسامبلەياسى تۋرالى ايتا كەلە اسسامبلەيانىڭ بۇۇ، يۋنەسكو جانە ەقىۇ-دا العان جوعارى باعاسىن اتاپ ءوتتى.

ءماجىلىس ءتوراعاسى جاھاندانۋ جاعدايىندا جانە مادەنيەتارالىق قارىم-قاتىناستاردا ۇلتتىق مادەنيەتتەردى ساقتاۋ سالاسىنداعى ەلىمىزدىڭ جەتىستىكتەرى تۋرالى، سونداي-اق پارلامەنتارالىق وداقتىڭ باسقا دا مۇشە مەملەكەتتەرىنىڭ وسى سالاداعى وڭ تاجىريبەسىن اتاپ ءوتتى.

پارلامەنتارالىق وداق - 1889 جىلى قۇرىلعان ەڭ كونە حالىقارالىق پارلامەنتتىك ۇيىم بولىپ تابىلادى. بۇگىنگى كۇنى پارلامەنتشىلەر 173 ەل مەن 11 پارلامەنتارالىق ۇيىمداردى بىرىكتىرەدى. ءوز دامۋ تاريحىندا پاو پارلامەنتاريزمنىڭ دامۋىنا، ادام قۇقىقتارىن ساقتاۋعا، حالىقارالىق بەيبىتشىلىكتى ورناتۋعا جانە حالىقارالىق قاۋىپسىزدىكتى ساقتاۋعا ىقپال ەتەدى.

پارلامەنتارالىق وداقتىڭ 137ء-شى اسسامبلەياسىنىڭ نەگىزگى وقيعالارىنىڭ ءبىرى «دەموكراتيا تۋرالى جالپىعا ورتاق دەكلاراسياسىنىڭ 20 جىلدىعى: ءبىزدىڭ الۋان تۇرلىلىگىمىزدىڭ ورتاقتىعى» تۋرالى قارارى بولدى.