جۋىردا باتىس قازاقستان وبلىسى تۇرعىندارىنا مەديسينالىق كومەك كورسەتەتىن «سالاماتتى قازاقستان » پويىزى  اۋدانداردى ارالايتىن بولادى.

مەديسينالىق پويىزدىڭ سەگىز ۆاگونىندا ناۋقاستاردى تولىق تەكسەرۋگە، شاعىن امبۋلاتوريالىق  وتا جاساۋعا، ەمدەۋ كابينەتتەرىنىڭ قىزمەتتەرىن كورسەتۋگە  تولىق جاعداي جاسالعان جانە ولار زەرتحانالار مەن دياگنوستيكا كابينەتتەرىمەن جابدىقتالعان. مەديسينا بريگاداسىنىڭ قۇرامىندا قوستاناي وبلىستىق تەمىر جول اۋرۋحاناسىنىڭ ءبىرىنىش جانە جوعارى ساناتتاعى تەراپيەۆت، پەدياتر، نيەۆروپاتولوگ، وكۋليست، لور، گينەكولوگ، حيرۋرگ، ۋرولوگ، ءتىس دارىگەرلەرى بولادى. دارىگەرلەر دەسانتى شىڭعىرلاۋ بەكەتىندە ناۋقاستاردى قابىلداۋدى باستاپ، كەيىن امانگەلدى بەكەتىنە بەت الماق. «سالاماتتى قازاقستان» پويىزىنىڭ ءجۇرۋ كەستەسىنە ساي، پويىز وسى ايماقتاعى جەتى ەلدى مەكەندە ناۋقاستاردى قابىلدايتىن بولادى. شىڭعىرلاۋ، امانگەلدى، العاباس، جايىق،پەرەمەتنىي، تاسقالا، سەميگلاۆنىي مار بەكەتتەرىندە اۋىل-ايماق تۇرعىندارى دارىرگەرلەر قىزمەتىنە جۇگىنۋىنە بولادى. اتالعان ەلدى مەكەندەردىڭ تۇرعىندارى مەديسينا پويىزدارىندا قىزمەت ەتەتىن سالالىق مامانداردىڭ تەكسەرۋىنەن ءوتىپ، اۋرۋىن انىقتاي الادى جانە قاجەتتى العاشقى كومەككە  قول جەتكىزىپ، كاسىبي كەڭەس الادى. دارىگەرلەردىڭ قابىلداۋىنا كەلگەندە جەكە كۋالىكتى الا كەلۋ ماڭىزدى.   

مەديسينا پويىزى دارىگەرلەر بريگاداسىنىڭ بەكەتتەردەگى جۇمىس كەستەسى – ساعات 9.00-دەن 18.00-گە دەيىن، تۇسكى ءۇزىلىس 13.00-دەن 14.00-گە گە دەيىن. دارىگەرلەر دەمالىسسىز جۇمىس ىستەيتىنىن جانە بارلىق قىزمەتتەردىڭ تەگىن كورسەتىلەتىن بولادى.

ايتا كەتسەك، اتالمىش مەديسينا پويىزى ءوز جۇمىسىن 2017 جىلى 13 ساۋىردە قاراعاندى وبلىسىنىڭ جەزقازعان بەكەتىنەن باستاعان ەدى. جىل سوڭىنا دەيىن پويىز قازاقستاننىڭ ورتالىق، سولتۇستىك جانە شىعىس ايماقتارىنداعى تەمىر جول بەكەتتەرىنە بارادى.

گۇلىم اقاپ،

باتىس قازاقستان وبلىسى