نيۋ-يورك ۋنيۆەرسيتەتىنىڭ جانىنداعى Langone مەديسينالىق ورتالىعىنىڭ دارىگەرى سەم پارنيا جۇرەگى توقتاپ قالعان ادامدار بىرنەشە مينۋت بويى اينالاسىنداعى ارەكەتتەردى ءتۇسىنىپ جاتادى دەگەن تۇجىرىم جاسادى، - دەپ جازادى tengrinews.kz.
مامان مەن ونىڭ كومانداسى ەۋروپا مەن اقش-تىڭ كلينيكالىق ءولىمى تىركەلگەن تۇرعىندارىنان ساۋالناما العان. ولاردىڭ كوپشىلىگى جۇرەگى توقتاپ قالعاننان كەيىن اينالاسىندا نە بولعانىن ءبىلىپ جاتقانىن ايتقان.
"ولار دارىگەرلەر مەن مەدبيكەلەردىڭ قالاي جۇمىس ىستەگەنىن، اينالاسىندا نە كورىپ، نە ەستىگەنىن ايتىپ بەردى. ولار بىلمەۋى ءتيىس دۇنيەلەر جايلى ايتتى"، - دەيدى مامان.
ناۋقاستار ايتقان مۇنداي دەرەكتەردى رەانيماسيا جاساعان دارىگەرلەر راستاپ وتىر. كەيبىر ناۋقاستار جۇرەگى توقتاپ قالعاننان كەيىن ەس ءبىلىپ قانا جاتپاي، دارىگەرلەردىڭ ونىڭ ءولىمى تۋرالى اڭگىمەلەسكەنىن ەستىگەنىن ايتقان. "مۇنى قازىرگى عىلىم تۇرعىسىندا ءتۇسىندىرۋ وتە قيىن" دەيدى عالىم.
