قىستىڭ كوزى قىراۋدا. قازگيدرومەتتىڭ مالىمەتىنشە جاقىندا قار جاۋادى. بۇعان دەيىن حالىق جىلىتۋ ماۋسىمىنا قامدانىپ كومىر ساتىپ الۋ قاجەت. الايدا كومىر تاپشىلىعى مەن ونىڭ قىمباتتاۋى حالىقتى ءبىراز ابىگەرگە سالىپ وتىر.

بۇدان ءبىراز ۋاقىت بۇرىن-اق ق ر ەنەرگەتيكا ءمينيسترى قانات بوزىمبايەۆ قازاقستاننىڭ بارلىق وڭىرلەرىندە كومىر تاپشىلىعى جوق ەكەنىن ايتقان. الايدا كومىردىڭ قىمباتتاۋى مەن تاپشىلىعى الماتى وڭىرىندە ايقىن ءبىلىنىپ وتىر.

Qamshy.kz اقپارات اگەنتتىگى ءتىلشىسى كومىر جاعدايىن ءبىلۋ ءۇشىن الماتىداعى كومىر جەتكىزەتىن باستى ورىنداردىڭ ءبىرى  «Karazhyra Komir»-گە بارىپ ءمان-جايدى انىقتاپ كوردى.

مەكەمە عيماراتىنىڭ الدىندا كومىر كۇتىپ، كەزەكتە تۇرعان اۋىر جۇك كولىگىنەن كوز تۇنادى. كەيبىرى ءتىپتى تۇنگى بىردەن باستاپ تۇر. «Karazhyra Komir»-دە كومىر الۋعا كەلگەندەردى كۇزەتشى وتكىزىپ جاتقان جوق. قارا التىن ءوتىنىش بىلدىرگەن كۇننەن باستاپ ءبىر اپتادان كەيىن عانا جەتكىزىلەدى ەكەن.

كومىردىڭ باعاسى دا كوڭىل كونشىتپەيدى. شۇباركول – 12 500 تەڭگە بولسا، ەرەكشە سۇرانىسقا يە قاراجىرا كومىرى — 14 500 تەڭگە.

مۇنداي جاعداي ەلىمىزدىڭ باسقا وڭىرلەرىندە دە بولدى. ماسەلەن، استانادا كومىر تاپشىلىعى ايقىن ءبىلىندى.

قازاقستاننىڭ باس قالالارى استانا مەن الماتىنىڭ وزىندە حالىق كومىردى اپتالاپ كۇتىپ، كەزەككە تۇننەن باستاپ تۇرسا، باسقا وبلىستارداعى جاعداي قانداي ەكەنىن ەلەستەتۋدىڭ ءوزى قيىن.

كۇن سۋىتىپ، قىس جاقىنداعاندا حالىقتى كومىرمەن قامتاماسىز ەتۋ ماسەلەسىنىڭ تۋىنداعانى مينيسترلىككە سىن. سەبەبى، جىلىتۋ ماۋسىمى كەلگەندە حالىقتىڭ كومىر ىزدەپ شارق ۇرىپ، ونى تاپقان كۇننىڭ وزىندە قالتاسىنا اۋىر ءتيىپ وتىر.

ق ر ەنەرگەتيكا مينيسترلىگىنىڭ ۇسىنعان مالىمەتىنە سايكەس، سوڭعى 9 ايدا ىشكى نارىققا 55،8 ملن. توننا كومىر جەتكىزىلدى. ونىڭ شامامەن 78%-ى ەنەرگيا ءوندىرۋشى كاسىپورىندارعا جەتكىزىلگەن. ال حالىققا جانە كوممۋنالدىق-تۇرمىستىق قاجەتتىلىككە بولىنگەن كومىر مولشەرى – 8 ملن. توننا.

ق ر ەنەرگەتيكا ءمينيسترى قانات بوزىمبايەۆ كومىر باعاسى تۇراقتى، قارا التىن تاپشىلىعى مۇلدە جوق ەكەنىن ايتقان. سونىمەن قاتار، وتكەن جىلمەن سالىستىرعاندا بيىل كومىر ءوندىرىسى 13،2%-عا كوپ ەكەنىن دە اتاپ وتكەن.

«2017 جىلدىڭ 9 ايىندا 75،3 ملن. توننا كومىر ءوندىرىلدى. بۇل 2016 جىلدىڭ سايكەس كەزەڭىمەن سالىستىرعاندا پايىزعا ارتىق. ىشكى نارىققا 54،7 ملن. توننا كومىر جەتكىزىلدى. ونىڭ 41،1 ملن.تونناسى ەنەرگيا ءوندىرۋشى كاىسىپورىندارعا جونەلتىلدى. ەكسپورت 21،1 ملن. توننانى قۇرادى. بۇل وتكەن جىلدىڭ سايكەس كەزەڭىمەن سالىستىرعاندا 16،6%-عا كوپ. ءدال وسى كەزەڭدە كوممۋنالدىق-تۇرمىستىق قاجەتتىلىككە جانە حالىققا 1 ميلليوننان استام كومىر جەتكىزىلدى. بۇل وتكەن جىلدىڭ سايكەسىنشە كەزەڭدەگى دەڭگەيدەن 26،8%-عا كوپ»، - دەدى مينيستر.

سيفرلار وسىلاي سويلەگەنىمەن ءىس جۇزىندە حالىق ءالى دە كومىر تاپشىلىعىن سەزىپ، كومىر باعاسىنىڭ قىمباتتاعانىن بايقاپ وتىر. جىلىتۋ ماۋسىمىندا حالىق مۇنداي قيىندىق كورمەۋى ءتيىس ەدى.