ەرلى-زايىپتى تەز-تەز جانجالداسىپ قالا بەرەدى ەكەن.
كۇيەۋى: - ءبىر سوزدەن قالساڭ قايتەدى؟ كۇيەۋىم عوي دەپ، باسىڭدى يەيىن دەمەيسىڭ،- دەپتى.
ايەلى بولسا: - نەگە باس يەدى ەكەم؟ كۇنى بويى مەنەن ءبىر اۋىز جىلى ءسوزىڭىزدى قىزعاناسىز، كوڭىل اۋدارمايسىز،- دەيدى.
- ءوزىڭ ءاردايىم ۋىڭدى شاشىپ وتىرساڭ، قالاي جاقسى ءسوز ايتايىن؟! ايىپ وزىڭنەن عوي...
وسىلاي داۋ-دامايلارى جالعاسا بەرەدى ەكەن...
ەكەۋىنىڭ ايقاي-شۋىنان مەزى بولعان كورشىسى كەلىپ:
- پالەن جەردە جاقسى ءبىر دانىشپان كىسى بار. سوعان بارىڭدار. سەندەردىڭ كۇرمەۋى قيىن ماسەلەلەرىڭدى سول شەشىپ بەرەدى،- دەپتى.
ەرلى-زايىپتى سول دانىشپاننىڭ الدىنا بارىپتى. دانىشپان اۋەلى كۇيەۋىنىڭ، سوسىن ايەلىنىڭ مۇڭ-شاعىمىن تىڭداپ، ەكەۋىنە دە ەكى-ەكى پاراقتان اق قاعاز بەرىپتى دە: - ماسەلەلەرىڭدى شەشىپ بەرەمىن، تەك وسى قاعازعا بىر-بىرلەرىڭنىڭ كوڭىلدەرىڭ تولماي جۇرگەن كەمشىلىكتەرىڭدى جازىڭدار،- دەپ، ەكەۋىن ەكى بولەك بولمەگە كىرگىزىپ جىبەرىپتى. ايەل ءبىر جارىم پاراققا كۇيەۋىنىڭ كەمشىلىكتەرىن جازىپتى. كۇيەۋى ەكى پاراققا دا جۇبايىنىڭ كەمشىلىكتەرىن جازىپ تاستاپتى. ءبىراق سوندا دا كەمشىلىكتەرىن جازۋعا قاعاز جەتپەي قالىپتى. سودان دانىشپان وتىرعان بولمەگە كىرىپ:
- بەرگەن قاعازىڭىز جەتپەدى، ايەلىمنىڭ كەمشىلىكتەرىن جازۋعا. مۇمكىن بولسا تاعى ءۇش اق پاراق بەرسەڭىز،- دەپ سۇرايدى.
سوندا دانىشپان:
- بەرگەن قاعازىم جەتپەيتىنىن جانە سەن تاعى قاعاز سۇراپ كەلەرىڭدى ءبىلىپ ەدىم. سەن نەگىزى ونىمەن اجىراسپاقشىسىڭبا الدە تاتۋلاسپاقسىڭبا؟- دەپ سۇراق قويىپتى. سوندا جىگىت:
- جوق، ەكى پەرزەنتىم بار. اجىراسۋ نيەتىم جوق. تەك ايەلىم ءسال وزگەرسىن. ماعان باس ءيىپ، مويىنسۇنسا دەيمىن دە...- دەپ جاۋاپ قايىرادى.
دانىشپان سوندا جىگىتكە بىلاي دەيدى:
- ەركەكتىڭ ايەلمەن ەشقاشان تەڭدەسپەۋى كەرەك. ەگەر ايەلى باس يگەنىن قالاسا، ەرلىك قۇقىعىن قولدان بەرمەۋى كەرەك. مىنە ساعان دا، وعاندا قاعاز بەردىم. ايەلىڭ جازسا سەندە جازا بەرۋىڭ كەرەكپە؟ سەن ونىمەن تاجىكەلەسىپ تۇرعان سوڭ ايەلىڭ دە سولاي جاسايدى ەمەسپە؟ سەن ەركەكسىڭ، ءبىراق نەگە ايەلىڭنىڭ ايەلدىك قۇقىعىنا تالاساسىڭ؟ ناعىز ەر بول! باس بول! وسىنى ۇمىتپا! قولىڭداعى قاعازدى جىرتقىن دا، مىنا اق قاعازدى ال. ەش نارسە جازبا، بولمەگە بارىپ، مەن شاقىرعاندا عانا كەل. مەن رۇقسات ەتپەيىنشە سويلەمە!- دەپ بولمەگە قايتا جىبەرىپتى. ءبىرازدان سوڭ دانىشپان ەكەۋىن قۇزىرىنا شاقىرىپ، ايەلگە:
- كانە، جازعاندارىڭىزدى وقىڭىز،- دەيدى. ايەل وقي كەتىپتى:
- مەنىڭ بار-جوعىمدى دا سەزبەيدى، ماعان ۋاقىت ءبولىپ سۇحباتتاسپايدى، كوڭىلىمە قارامايدى، اياقتارى تەرلەيدى، سيگارەت شەگەدى، ۇيگە تىم كەش كەلەدى، ەرتە كەتەدى... - دەپ، ۇزىن-سونار ءتىزىمىن وقىپ تاستايدى.
كەيىن دانىشپان:
- ەندى سەن جازعاندارىڭدى وقى،- دەيدى كۇيەۋىنە. كۇيەۋى بوس اق پاراقتى دانىشپانعا بەرەدى. سوندا دانىشپان:
- ايەلىڭنىڭ كەمشىلىگىن تابا الماپسىڭ عوي،- دەپ جىميادى.
سوندا ايەل كۇيەۋىنىڭ ەش نارسە جازباعانىن، دەمەك ول ءوزىن قانداي بولسا سوندايلىعىنشا سۇيەتىنىن، ونىڭ كەمشىلىكتەرىن جازىپ قاتەلەسكەنىن ءتۇسىنىپ، كۇيەۋىنىڭ اياعىنىڭ استىنا ءوزىن تاستاپ، كوزىنەن جاس توگىلە:
- كەشىرىڭىز مەنى، مەندەي ىنساپسىزدى كەشىرىڭىز... مەن ادەتتەگىدەي ماعان تەڭدەسىپ ءسىز دە جازاسىز دەپ ويلاپپىن. مەن اقىماقتى كەشىرىڭىز وتىنەم!- دەپتى.
كۇيەۋى ايەلىنىڭ مۇنداي ارەكەتىن كۇتپەگەن ەدى. باس ءيىپ تۇرعانىن كورىپ، ءوزىنىڭ بۇرىنعى قاتەلەرىن ءتۇسىنىپتى. باس ءيىپ تۇرعان جۇبايىنا سۇيىسپەنشىلىگى، مەيىرىمى ويانىپتى. ەرلى-زايىپتىلار تاتۋلاسىپ، دانىشپانعا العىستارىن ايتىپ ۇيىنە قايتىپتى!!!
ۆكونتاكتە الەۋمەتتىك جەلىسىنەن
پىكىر قالدىرۋ