تۇركيادا قىزىنا رەنجىگەن اكەسى Facebook Live-تە وزىنە قول جۇمسادى. اكەسى قىزىنىڭ وعان ايتپاي جانە رۇقساتىن الماي تۇرمىسقا شىعاتىنىن ەستىگەننەن كەيىن وسىنداي قادامعا بارعان دەپ حابارلايدى تۇركيالىق ب ا ق.
54 جاستاعى كايسەري تۇرعىنى ايحان ۋزۋن جەلى قولدانۋشىلارعا قىزىنىڭ تۇرمىسقا شىعۋ ءۇشىن ونىڭ باتاسىن الماعانىن ايتقان.
«مەنى وسىنداي جاعدايعا جەتكىزگەندەر مەنىڭ جانازاما كەلمەي-اق قويسىن» دەدى ايحان ۋزۋن.
ونىڭ ايتۋىنشا، قىزىنىڭ ەڭ باقىتتى ءارى ماڭىزدى كۇنى تۋرالى ايەلىنەن ەستىگەن.
«ەشكىم مەنەن رۇقسات سۇراعان جوق. ماعان ەر ادام سەكىلدى قارامايدى. قوش بولىڭدار!» دەدى دە تاپانشانىڭ شۇرىپپەسىن باسقان.
جەلى قولدانۋشىلارى ايحان ۋزۋندى رايىنان قايتارماقشى بولعان.
ايتا كەتەيىك، Facebook-تە تىكەلەي ەفيردە وزىنە قول جۇمساعان نەمەسە تىكەلەي ەفيردە قىلمىس جاساۋ ارەكەتتەرى بۇعان دەيىن تىركەلگەن. وسىنداي جاعدايلاردان كەيىن Facebook اكىمشىلىگىنە سىن كوپ ايتىلدى. الايدا جەلى اكىمشىلىگى ازىرشە Facebook Liveء-تى وشىرمەدى.
پىكىر قالدىرۋ