ەلىمىزدىڭ تۋىن كوككە كوتەرىپ جۇرگەن تانىمال كاسىپقوي بوكسشى قانات Qazaq يسلام الماتىدا ايگىلى فيليپپيندىك مەنني پاكياومەن جۇدىرىقتاسۋى مۇمكىن، دەپ جازادى Qamshy.kz اقپارات اگەنتتىگى. بۇل تۋرالى سپورتشىنىڭ PR مەنەدجەرى بەرىك سۇلتان ءوزىنىڭ فەيسبۋك پاراقشاسىندا جازدى.
«پاكياونىڭ كومانداسى دايىن بولسا QAZAQ كومانداسى دايىن. 22 ناۋرىز الماتى قالاسى "Almaty arena" سپورت كەشەنىندە بوكس جانكۇيەرلەرى ءۇشىن ۇلكەن شوۋ جاساۋعا ءبىز ساقاداي سايمىز. پاكمەننىڭ كومانداسى كەلىسسە بولدى»، — دەپ جازدى بەرىك سۇلتان.
ەسكە سالا كەتەتىن بولساق، قانات يسلام سوڭعى كەزدەسۋىن 9 قىركۇيەكتە استانا قالاسىندا وتكىزىپ، كانادالىق برەندون كۋكتى 9-شى راۋندتا تەحنيكالىق نوكاۋتپەن جەڭگەن بولاتىن.
