رەسەي ەۋروپالىق وداقتان جانە اقش، كانادا سىندى ەلدەرىنەن تاسىمالداناتىن تاۋارلار ءتىزىمىن تاعى دا قىسقارتتى. ونىڭ ىشىندە، ءتىرى شوشقا دا بار،- دەپ حابارلادى Qamshy.kz اقپارات اگەنتتىگى.
«رەسەيگە اكەلىنۋگە تىيىم سالىنعان اۋىل شارۋاشىلىعى تاۋارلارى، وڭدەلمەگەن ونىمدەر تىزىمىنە اۋىل شارۋاشىلىعى جانۋارلارى، ءتىرى شوشقا مەن باسقا دا تاعامدىق زاتتار، مايلار قوسىلدى. تىيىم سالىنعان تاۋارلار رەسەي حالقىنىڭ تۇرمىسىنا ەشقانداي دا اسەر ەتپەيدى»،- دەپ حابارلادى رەسەي ۇكىمەتىنىڭ باسپا ءسوز قىزمەتى.
ەستەرىڭىزگە سالا كەتەيىك، بۇدان بۇرىن دا رف-ڭ اۋىلشارۋاشىلىعى ءمينيسترى الەكساندر تكاچيەۆ بەلورۋسيادان كەلەتىن كارتوپ تاسىمالىنا تىيىم سالعان بولاتىن.
