ون ەكى جىل وتباسىلىق ومىردەن سوڭ، مەنىڭ جان جارىم رەستوراندا تاماق ىشۋگە جانە كينوعا بارۋعا وزگە ايەلدى شاقىرۋىمدى قالادى. ول :
- مەن سەنى سۇيەمىن، ءبىراق سەنى مەنەن دە ارتىق سۇيەتىن ءبىر ايەل بار... مەن ۋاقىتىڭدى سول ايەلمەن وتكىزگەنىڭدى قالايمىن - دەدى.

ۋاقىت ءبولۋ كەرەك بولعان وزگە ايەل - مەنىڭ انام بولىپ شىقتى. ول 19 جىلدان بەرى بولەك تۇراتىن. مەنىڭ ءۇش بالام مەن جۇمىسىم اناما كوڭىل بولۋىمە كەدەرگى بولاتىن، سول ءۇشىن اندا-ساندا بارىپ تۇردىم.
سول ءتۇنى ونى كەشكى تاماق پەن كينوعا بارۋعا شاقىرۋعا قوڭىراۋ ساقتىم.
- نە بولدى؟ جاعدايىڭ قالاي؟ - دەپ بىردەن سۇرادى.
مەنىڭ انام - ەگەر تەلەفون كەش شىرىلدايتىن بولسا، جامان حابار ما دەپ ويلايتىنداردىڭ قاتارىنا جاتادى.
- مەنىمەن بىرگە ۋاقىت وتكىزۋگە قالاي قارايسىز - دەپ سۇرادىم. ول ءبىر - ەكى سەكۋند ويلانىپ:
- مەن ونى قاتتى قالايمىن - دەپ كەلىسىمىن بەردى.

جۇما كۇنى كەشكە جۇمىستان كەيىن اناما جول تارتتىم، ءبىر جاعىنان قوبالجۋ دا بار. ونىڭ ەسىگىنىڭ الدىنا كەلگەنىمدە، ول دا مەنى كۇتىپ، ازداپ قوبالجىپ تۇرعانىن كوردىم. ول يىعىنا پالتوسىن قويىپ، شاشتارىن ءورىپ، مەرەكەدە سىيعا بەرگەن ادەمى كويلەگىن كيگەن بولاتىن.
- مەن ءوز قۇربىلارىما، بالام بۇگىن مەنىمەن كۇنىن وتكىزەدى، بىرگە رەستوراندا تاماقتانامىز، ارتىنشا كينوعا بارامىز دەپ ماقتاندىم، ولار تاڭىرقاپ قالدى - دەپ ماشيناعا ءمىنىپ جاتىر.

ءبىز رەستورانعا دا كەلدىك. وتە قىمبات بولماسا دا، ادەمى، ءارى ىڭعايلى ەكەن.
اناشىم قولىمنان ۇستاپ، حانشايىمدار سەكىلدى كەلە جاتتى. ۇستەلگە كەلگەندە، ءمازىردى وقىپ بەردىم. انامنىڭ كوزى تەك قانا ۇلكەن جازۋلاردى عانا وقي الاتىن. ءمازىردى وقىپ بولىپ، اناما قاراسام، انام ماعان قاراااپ، كۇلىمسىرەپ وتىر ەكەن.
- كىشكەنتاي بالا كەزىڭدە، ءمازىردى مەن وقيتىن ەدىم - دەدى.
- وندا قىزمەت كورسەتۋ ۋاقىتى ماعان كەلگەن ەكەن - دەدىم.

تاماق بارىسىندا جاقسى اڭگىمە جۇرگىزدىك. ايتارلىقتاي جاڭالىقتار بولمادى. ءجاي عانا ومىرىمىزدەگى سوڭعى وزگەرىستەردى ايتىپ شىقتىق. اڭگىمەگە كىرىسىپ كەتكەنىمىز سونشالىقتى، كينوعا كەشىگىپ قالدىق. كەيىن ۇيىنە اكەگەن كەزدە، ول:
- سەنىمەن تاعى 1 رەت رەستورانعا بارامىز. ءبىراق بۇل جولى مەن شاقىرامىن - دەدى. مەن:
- جارايدى، كەلىستىك - دەدىم. ۇيگە كەلگەن سوڭ ايەلىم:
- كەزدەسۋ قالاي بولدى؟
- وتە كەرەمەت! مەن ويلاعاننان دا جاقسى ءوتتى.

ارادان ءبىراز ءوتىپ انام جۇرەك اۋرۋىنان قايتىس بولدى. اياق استىنان بولدى، مەن وعان ەشتەڭە ىستەي المادىم.

ال، 1-2 كۇننەن كەيىن قولىما كونۆەرت ءتۇستى، ىشىندە اناشىم ەكەۋمىز تاماقتانعان رەستورانعا شاقىرتۋ مەن الدىن الا تولەنگەن قاعازى بار. كونۆەرتتە:
- ءبىزدىڭ ەكىنشى كەزدەسۋىمىزگە الدىن الا تولەپ قويدىم - دەگەن جازۋ بار ەدى.
راسىندا، سەنىمەن تاعى دا تاماقتانۋىما سەنىمدى ەمەسپىن. سوندا دا ساعان جانە سەنىڭ ايەلىڭە الدىن الا تولەدىم. مەن ەكەۋمىزدىڭ بىرگە وتكىزگەن كۇنىمىزدى سوزبەن ايتىپ جەتكiزە المايمىن. "بالاپانىم مەنىڭ، مەن سەنى ومىرىمنەن ارتىق جاقسى كورەمىن..."

اتا-انانىڭ ءقادىرىن ءتىرى كەزدە بىلەيىك، باۋىرلار.... ەگەر اتا-اناڭىز ءتىرى بولسا، ولارعا ءجيى-جيى قوڭىراۋ شالىپ، جاعدايىن ءبىلىپ، سىيلىقتار سىيلاپ، كوڭىلىن اۋلاپ، جىلى سوزدەر ايتىپ، قۋانىشقا بولەيىك! اتا-انامىز ءبىزدىڭ ۇلكەن باقىتىمىز. اتا-اناسى جوق ادامدار قانشاما، ولارعا اتا-انا ارمان، ولاردىڭ سەزىمىن تىلمەن جەتكiزۋ مۇمكىن ەمەس! مۇمكىن سول سوڭعى كەزدەسۋىڭىز، سوڭعى سويلەسۋىڭىز، سوڭعى مۇمكىندىگىڭىز بولار...