قازاق جازبا ادەبيەتى نەگىزىن قالاۋشىلاردىڭ ءبىرى، كورنەكتى اقىن، اعارتۋشى، ءدىني قايراتكەر اقىت ءۇلىمجى ۇلى تۋرالى موڭعوليادا تاعى ءبىر كىتاپ جارىق كوردى دەپ حابارلايدى Qamshy.kz اقپارات اگەنتتىگى. كىتاپتىڭ اۆتورى موڭعوليا عىلىم اكادەمياسىنىڭ جەتەكشى عىلىمي قىزمەتكەرى، تاريح عىلىمدارىنىڭ دوكتورى (Sc.D)، پروفەسسور  حۋرمەتحان مۋحامادي ۇلى. جاۋاپتى رەداكتورى زەرتتەۋشى شىناربەك سەيىتحان ۇلى.

اتالمىش كىتاپ اقىت ءۇلىمجى ۇلىنىڭ تۋعانىنا 150 جىل تولۋىنا وراي، اقىن جايلى زەرتتەۋلەر جانە سوناۋ 1895-جىلداردان قازان قالاسىندا شاعاتاي الىپبيىندە جارىق كورگەن اقىت شىعارمالارىنىڭ ءتۇپ نۇسقالارى قامتىلعان تۇڭعىش كىتاپ.

بۇعان دەيىن قحر، تۇركيا، قازاقستان، موڭعوليادا عۇلاما اقىن اقىت ءۇلىمجى ۇلى جانە ونىڭ شىعارمالارى تۋرالى بىرنەشە كىتاپتار جارىق كورگەن. ءبىراق اقىننىڭ  قازان قالاسىنا باستىرعان كىتاپتارىنىڭ ءتۇپ نۇسقالارى بۇگىنگە دەيىن جارىق كورمەگەن. سوندىقتان بۇل كىتاپ اقىتتانۋشىلار مەن تاريحشىلار ءۇشىن اسا  قۇندى ەڭبەك ەكەنى بەلگىلى.