بۇگىن، 30 قازاندا جەتىنشى حالىقارالىق سيريا كەلىسسوزىنە قاتىساتىن مەملەكەتتەردىڭ دەلەگاسياسى قازاقستان استاناسىنا جينالدى. بۇل تۋرالى ق ر ءسىم حابارلادى، دەپ جازادى Qamshy.kz اقپارات اگەنتتىگى.

كۇن تارتىبىندەگى ماسەلەلەردى تالقىلاۋ ءۇشىن ەكىجاقتى جانە كوپجاقتى كەزدەسۋلەر وتكىزىلەدى. «پلەنارلىق ءماجىلىس 31 قازاننىڭ ەكىنشى جارتىسىنا جوسپارلاندى»، - دەلىنگەن ق ر ءسىم حابارلاماسىندا.

سيريا جونىندەگى كەزدەسۋگە بۇۇ باس حاتشىسىنىڭ ارنايى وكىلى ستاففان دە ميستۋرا قاتىسپايدى. بۇل تۋرالى ق ر ءسىم باس حاتشىسى ءانۋار جايناقوۆ حابارلادى.

ق ر سىرتقى ىستەر مينيسترلىگىنىڭ مالىمەتىنشە، رەسەي دەلەگاسياسىنا رف پرەزيدەنتىنىڭ سيريا جونىندەگى ارنايى وكىلى الەكساندر لاۆرەنتيەۆ، تۇركيا دەلەگاسياسىنا سىرتقى ىستەر ءمينيسترىنىڭ ورىنباسارى سەدات ونال، يران دەلەگاسياسىنا سىرتقى ىستەر ءمينيسترىنىڭ ورىنباسارى حۋسەين دجابەري انساري باسشىلىق ەتەدى.

الداعى كەزدەسۋگە ءسۇريا ۇكىمەتىنىڭ جانە ءسۇريالىق وپپوزيسيانىڭ، سونداي-اق بايقاۋشى رەتىندە بۇۇ، اقش جانە يوردانيانىڭ وكىلدەرى قاتىسادى.

استاناداعى سيريا جونىندەگى جەتىنشى حالىقارالىق كەزدەسۋ 30-31 قازانعا جوسپارلانعان. كەلىسسوزدەر بارىسىندا قاتىسۋشىلار كەپىلدىككە الىنعانداردى، تۇتقىنداردى بوساتۋ، قازا بولعانداردىڭ دەنەسىن بەرۋ جانە جوعالعان ادامداردى ىزدەستىرۋ جونىندەگى جۇمىس توبىنىڭ ەرەجەسىن بەكىتۋدى جوسپارلاپ وتىر. سونداي-اق حالىقارالىق تەرروريزممەن كۇرەس ماسەلەسى دە كۇن تارتىبىندەگى باستى ماسەلەلەردىڭ ءبىرى.