14 جاسىندا شانحايدا قازا تاپقان رەسەيلىك سانبيكەنىڭ اناسى ول جۇمىسقا ورنالاسقان ءسان اگەنتتىگىنىڭ تالاپتارى وتە قاتال ەكەندىگىن ايتىپ بەردى. ب ا ق قۇرالدارى ءولىم سەبەبىن انىقتاۋدا. اناسىنىڭ ايتۋىنشا، ءجاسوسپىرىم قىتايعا 3 ايلىق كەلىسىمشارت بويىنشا كەتىپ، قاتتى ارىپ-ازۋدىڭ ناتيجەسىندە كوز جۇمعان. الايدا دارىگەرلەر ءولىم سەبەبىن مەنينگيتپەن بايلانىستىرىپ وتىر. بۇل تۋرالى Qamshy.kz اقپارات اگەنتتىگى Mirror باسىلىمىنا سۇيەنە وتىرىپ جازادى.

قايعى جامىلعان اناسى قىزىنىڭ كاسىبي مامان بولعىسى كەلگەندىكتەن، قىتايعا كەلىسىمشارت بويىنشا بارۋىنا رۇقساتىن بەرگەنىن ايتتى. ارينە، ولار بۇل شارتتىڭ تىم قاتال بولارىن بىلمەگەن، ماسەلەن:

«قىزىم ماعان قوڭىراۋ شالعاندا: «ماما، مەن شارشادىم، قاتتى ۇيقىم كەلەدى» دەپ ايتاتىن، مەن ونىڭ دارىگەرگە كورىنۋىن سۇرادىم»،-دەيدى. ول ءتىپتى، قىزىنا كومەگىن كورسەتۋ ءۇشىن شانحايعا كەلمەك بولعان، الايدا ۇلگەرە الماعان.

Mirror باسىلىمىنىڭ حابارلاۋىنشا، بويجەتكەن شىندىعىندا دا «قۇلدىق كەلىسىمشارتپەن» جۇمىس ىستەگەن. وعان قوسا، وسى كەزدە بويجەتكەننىڭ مەديسينالىق ساقتاندىرۋى دا ءالى بولماعان. قىزدىڭ جان تاپسىرۋىنا شانحايدا وتكەن Asian Fashion اپتالىعىندا 13 ساعات ۇزدىكسىز ءسان ۇلگىسىن كورسەتۋ ءىس-شاراسى سەبەپكەر بولۋى مۇمكىن. الايدا باسقا اقپارات كوزدەرىنە سۇيەنسەك، قىز زەرگەرلىك بۇيىمداردى كورسەتۋ كەزىندە ءوزىن ناشار سەزىنگەن.

ۇيرەنۋشىلەردىڭ شانحايداعى كۋراتورى ەلۆيرا زايسيەۆانىڭ ايتۋىنشا: «قىزدار ۇزدىكسىز جۇمىس ىستەگەن جوق، كەرەكتى وبرازدى سۋرەتكە ءتۇسىرىپ بولعاسىن، ولار باسقاشا شاش ۇلگىسىن جاساتادى. ودان كەيىن تۇسكى اس  ىشەدى. قايعىلى وقيعا قاتتى شارشاعاندىقتان بولۋى مۇمكىن ەمەس، ۆيكا اناسىنا شاعىمدانىپ جۇرگەنىن بىلەمىن. ءبىراق ول وسى ۋاقىتتىڭ وزىندە اۋىرىپ جۇرگەن بولاتىن، سوندىقتان ونىڭ ولىمىنە ەشكىم دە كىنالى ەمەس»،-دەدى.

«بارلىعى اياق استىنان توڭكەرىلىپ كەتتى، ەشقانداي دا 13 ساعاتتىق جۇمىس بولعان جوق. ول توپتاما ءۇشىن سۋرەتكە ءتۇسىپ جاتقان. سول كەزدە ول ءوزىن ناشار سەزىنىپ، تەمپەراتۋراسى 40 گرادۋسقا دەيىن كوتەرىلدى، ونى بىردەن اۋرۋحاناعا جەتكىزدى، وكىنىشكە وراي دارىگەرلەر ونىڭ بويىنان ءقاۋىپتى ۆيرۋس تاۋىپ، شاراسىز قالدى»،- دەدى سانبيكەلەردىڭ كۋراتورى.

«يزۆەستيا» باسىلىمى قازىردە قىتايدا جان تاپسىرعان 14 جاستاعى قىزدىڭ ءولىمى جونىندە تەرگەۋ امالدارى جۇرگىزىلىپ جاتقاندىعىن جەتكىزدى.