قازاقستاندا لاتىن گرافيكاسىنا نەگىزدەلگەن جاڭا قازاق ءالىپبيى بەكىتىلدى. 27 قازان كۇنى مەملەكەت باسشىسى نۇرسۇلتان نازاربايەۆ ءتيىستى جارلىققا قول قويعان. وسىعان وراي رەسەي تۇرعىندارىنىڭ ءبىرى ءوز نارازىلىعىن ءبىلدىردى. ول ءوز ۆيدەوسىندا قازاقستانعا قارسى سوعىس اشۋ كەرەكتىگىن ايتتى.
«قازاقستاندا لاتىن الىپبيىنە كوشۋ تۋرالى جارلىققا قول قويىلدى. بۇل نە دەگەن ءسوز؟ ءپۋتيننىڭ ساياساتى قۇلادى دەگەن − وسى. ۋكراينانى جوعالتتىق، سوسىن گرۋزيانى جوعالتتىق. ەندى، مىنە، قازاقستاندى دا جوعالتپاقپىز. قازاقستان باسشىسى بەتىمىزگە كۇلىپ قاراعانىمەن، ارتىمىزدان نەشە-تۇرلىنى ىستەپ جاتىر. شىندىعىندا، ول حالىقتى قۇرعان ءبىز ەدىك، ال ولاردىڭ العىسى وسىنداي بولدى. مەن الماتىدا قىزمەت ەتكەنمىن، 1980 جىلدارى الماتىداعى ءومىر كەرەمەت ەدى، كەز-كەلگەن ازىق-تۇلىككە، ەتكە قول جەتىمدى بولاتىن ەدى. ونىڭ ءبارى ءبىزدىڭ ارقامىزدا بولدى. مەن ءپۋتيننىڭ ورنىندا بولسام، اسكەر دايىندايتىن ەدىم. الماتى مەن استاناعا اسكەر قويىپ، كۇشتەۋ ارقىلى مىنا ساياساتقا توقتاۋ سالاتىن ەدىم. سەبەبى، ول ايماققا رەسەيدىڭ اسەرى مول. ءبىز سول ايماقتىڭ قۇرىلۋى ءۇشىن جانىمىزدى قيدىق، قانىمىزدى توكتىك. ال بۇگىن سونىڭ بارىنەن ايىرىلىپ وتىرمىز.
— Pulatova Zamyra (@PZamyra) October 30، 2017
ءپۋتيننىڭ كىم ەكەنى تۇسىنىكتى، ۋكراينانى بەردى، گرۋزيانى بەرە سالدى، قازاقستاننان دا ايىرىلدى. ەگەر مەن پرەزيدەنت بولسام، پۋتينگە ايتار ەدىم: «پۋتين، ەگەر ءسىز شىنىمەن ورىس ۇلتىنان بولساڭىز، پاتريوت بولساڭىز، ءدال ءقازىر اسكەر باستاپ، الماتىعا اتتانۋىڭىز كەرەك! الماتىنىڭ شەكارا ايماقتارى مەن وقۋلارى وتەتىن ءار جەرگە ورىس اسكەرىن قويۋ كەرەك! بۇل ساياساتتى توقتاتۋ قاجەت! بۇل – ناعىز مەملەكەتتىك ساتقىندىق! ال نازاربايەۆقا قارسى قىلمىستىق ءىس قوزعاۋ كەرەك! زاڭعا سايكەس، ول نە تۇرمەگە وتىرۋ كەرەك، نە كوزى جويىلۋ كەرەك. سەبەبى، بۇل – ورىستىڭ جەرى، ورىستىڭ اۋماعى، ول ايماقتى قۇرۋ ءۇشىن ءبىز 200 جىلىمىزدى سارپ ەتتىك، قان توكتىك. ەندى ايىرىلىپ قالۋعا بولمايدى!».
