العاشقى رەسپۋبليكالىق «اسار» ءۇشجاقتى سەرىكتەستىك فورۋمىن وتكىزۋ بارىسىندا  قازاقستان رەسپۋبليكاسى ءدىن ىستەرى جانە ازاماتتىق قوعام مينيسترلىگى مەن «اتامەكەن» كاسىپكەرلەردىڭ ۇلتتىق پالاتاسى اراسىندا سەرىكتەستىك جونىندەگى كەلىسىمگە قول قويۋ ءراسىمى ءوتتى،-دەپ حابارلايدى Qamshy.kz اقپارات اگەنتتىگى. 

سەرىكتەستىڭ ماقساتى كاسىپكەرلىك سۋبەكتىلەرى مەن ولاردىڭ اسسوسياسيالارىنىڭ (وداقتارىنىڭ) كوممەرسيالىق ەمەس ۇيىمدارمەن ءوزارا ءساتتى ءىس-قيمىلىن ۇيىمداستىرۋ سالاسىنداعى مىندەتتەر مەن فۋنكسيالاردى ىسكە اسىرۋدا كۇشتەردى جۇمىلدىرۋ ارقىلى قازاقستان رەسپۋبليكاسىنداعى ازاماتتىق قوعام ينستيتۋتتارىن ودان ءارى دامىتۋعا سەپتىگىن تيگىزۋ بولىپ تابىلادى.

سەرىكتەستىك اقپارات الماسۋ، ۇسىنىمدار جولداۋ، تالدامالىق شولۋلار، پرەزەنتاسيالار، كەلىسىمدەر، شارتتار، حاتتامالار، قارارلار مەن وزگە قۇجاتتار جاساسۋ ارقىلى ىسكە اسىرىلاتىن بولادى. سونىمەن قاتار، جوبالار، سەمينارلار، كونفەرەنسيالار، دوڭگەلەك ۇستەلدەر مەن بريفينگتەر ۇيىمداستىرۋ سياقتى ءوزارا ءىس-قيمىل تۇرلەرى قولدانىلۋى مۇمكىن.

سەرىكتەستىك تۋرالى كەلىسىمگە ءدىن ىستەرى جانە ازاماتتىق قوعام ۆيسە-مينيسترى ابزال نۇكەنوۆ پەن «اتامەكەن» كۇپ باسقارما باسشىسىنىڭ ورىنباسارى ەلدار جۇماعازييەۆ قول قويدى.

سونداي-اق، فورۋم اياسىندا بيزنەس-قۇرىلىمدار مەن ۇەۇ اراسىندا بىرلەسكەن الەۋمەتتىك جوبالاردى جۇزەگە اسىرۋ ءۇشىن جالپنى سانى 10 مەموراندۋمعا قول قويىلدى. قول جەتكىزىلگەن كەلىسىمدەر مەن مەموراندۋمدار ۇكىمەتتىك ەمەس ۇيىمداردىڭ جۇمىسىن وڭتايلاندىرۋعا  باعىتتالعان.

ەستەرىڭىزگە سالا كەتەيىك، اتىراۋ قالاسىندا ەكى كۇندىك رەسپۋبليكالىق «اسار» فورۋمى وتۋدە. شارانىڭ ۇيىمداستىرۋشىلارى - قازاقستان رەسپۋبليكاسى ءدىن ىستەرى جانە ازاماتتىق قوعام مينيسترلىگى، قازاقستان رەسپۋبليكاسى «اتامەكەن» كاسىپكەرلەردىڭ ۇلتتىق پالاتاسى جانە اتىراۋ وبلىسىنىڭ اكىمدىگى.  سونداي-اق، فورۋمنىڭ سەرىكتەستەرى -  «Chevron»، «Tengizchevroil»، «Raimbek Group» ج ش س، قازاقستان جاستار كونگرەسى، «جاستار تاڭداۋى- اتىراۋ» قوعامدىق ۇيىمى جانە «ازاماتتىق باستامالاردى قولداۋ ورتالىعى» كوممەرسيالىق ەمەس ۇيىمى.