حالىقارالىق اۋە كولىگى قاۋىمداستىعىنىڭ رەسمي سايتىندا (ياتا) استانا قالاسى اۋەجايىنىڭ اتاۋى وزگەرتىلدى، دەپ حابارلايدى Qamshy.kz  اقپارات اگەنتتىگى ق ر ينۆەستيسيالار جانە دامۋ مينيسترلىگىنىڭ ازاماتتىق اۆياسيا كوميتەتىنە سىلتەمە جاساپ.

ق ر ينۆەستيسيالار جانە دامۋ مينيسترلىگى ازاماتتىق اۆياسيا كوميتەتىنىڭ حالىقارالىق اۋە كولىگى قاۋىمداستىعىمەن (ياتا) جۇرگىزگەن جۇمىسىنىڭ ناتيجەسىندە استانا قالاسى اۋەجايىنىڭ جاڭا اتاۋى - ياتا رەسمي سايتىندا «Nursultan Nazarbayev»  دەپ كورسەتىلدى. اۋەجايدىڭ جاڭا اتاۋى بيىل 1 قاراشادان باستاپ يATA-نىڭ اي سايىنعى رەسمي بيۋللەتەنىندە جاريالانادى. سودان كەيىن عالامدىق اۋە بيلەتتەرىن برونداۋ جۇيەلەرىنىڭ جەتكىزۋشىلەرى (Amadeus، SITA) وسى اقپاراتتى كەيىنگى ساتىلىمدىق جەلىلەردە دە، بيلەتتەردە دە كورسەتۋ ءۇشىن ءتيىستى وزگەرىستەر ەنگىزۋلەرى ءتيىس.

وسىلايشا، الداعى ۋاقىتتا اۋەجايدىڭ جاڭا «Nursultan Nazarbayev» اتاۋى استاناعا باعىتتالعان جانە استانادان شىعاتىن جولاۋشىلاردىڭ اۋە بيلەتتەرىندە كورسەتىلەتىن بولادى. سونىمەن قاتار، «TSE» ءۇش ارىپتىك كودىن وزگەرتۋ تۋرالى ماسەلە قاراستىرىلۋدا.

ايتا كەتەيىك، 2017 جىلعى 20 ماۋسىمدا قازاقستان رەسپۋبليكاسى ۇكىمەتىنىڭ № 381 جارلىعىمەن استانا حالىقارالىق اۋەجايى «نۇرسۇلتان نازاربايەۆ حالىقارالىق اۋەجايى» دەپ وزگەرتىلدى. حالىقارالىق اۋە كولىگى قاۋىمداستىعى، يATA (International Air Transport Assocoation، قىسقاشا. IATA) حالىقارالىق ۇكىمەتتىك ەمەس ۇيىم بولىپ تابىلادى. باس ءوفيسى مونرەال قالاسىندا (كانادا).

ەۋروپالىق ورتالىق جەنيەۆا قالاسىندا (شۆەيساريا). 2017 جىلدىڭ قازان ايىنداعى جاعداي بويىنشا IATA مۇشەلىگىندە 280 اۋە كومپانيا بولسا، سونىڭ ىشىندە. «ەير استانا» كومپانياسى دا بار.