«13 كيلومەتر» دەرەكتى ءفيلمى برازيليادا قازاننىڭ 23ء-ى مەن 29-ى ارالىعىندا وتكەن حالىقارالىق «ەڭسەرۋ» («پرەودولەنيە») كينوفەستيۆالىندە ارنايى جۇلدەگە يە بولدى. ءفيلمدى ق ر مادەنيەت جانە سپورت مينيسترلىگىنىڭ تاپسىرىسى بويىنشا ش.ايمانوۆ اتىنداعى «قازاقفيلم» اق تۇسىرگەن. ءفيلمنىڭ رەجيسسەرى – ۆلاديمير تيۋلكين. بۇل تۋرالى Qamshy.kz اقپارات اگەنتتىگى حابارلايدى. 

تيۋلكين   ۆلاديمير ۆيكتوروۆيچ – كينورەجيسسەر، اقىن. تاۋەلسىز «پلاتينالى تارلان» سىيلىعىنىڭ لاۋرەاتى، كسرو كينەماتوگرافيستەر وداعىنىڭ مۇشەسى. 

جاقىندا عانا رەسەيدە وتكەن دەرەكتى فيلمدەر فەستيۆالىندە ارنايى جۇلدەگە يە بولعان «13 كيلومەتروۆ» دەرەكتى ءفيلمى سەرىك بودانبايەۆ ەسىمدى زاعيپ تۋرالى باياندايدى. ءفيلمنىڭ كەيىپكەرى ءوزىنىڭ شىدامدىلىعى مەن تاباندىلىعىنىڭ ارقاسىندا ۇلكەن شارۋا قوجالىعىنىڭ يەسى بولىپ وتىر. 

- بۇل فيلمدە باسىنا تۇسكەن قيىندىقتاردى ەڭسەرىپ، دىتتەگەن ماقساتىنا جەتە بىلگەن ەر ازاماتتىڭ تاعدىرى سۋرەتتەلەدى. بۇل فيلم ءتۇرلى فەستيۆالدەرگە قاتىسىپ، جۇلدەلى ورىنداردان كورىنىپ جاتقانىنا وتە قۋانىشتىمىن، - دەدى ءفيلمنىڭ رەجيسسەرى.

فەستيۆالدىڭ باس جۇلدەسى – «شەتەلدىڭ ۇزدىك ءفيلمى» جۇلدەسىن رەجيسسەر رومان حرۋششتىڭ «پەچورين»  ءفيلمى يەمدەندى.  «ەڭ ۇزدىك اكتەر» اتالىمى  «مۋسس» (رەجيسسەرى دجون حەللبەرگ) كارتيناسىندا سومداعان ستەفان بەرتولاعا بەرىلدى، ال «ۇزدىك دەرەكتى فيلم» جۇلدەسىمەن كلاۆديا بەرشادسكايا تۇسىرگەن رەسەيلىك «ۇشۋ» ءفيلمى ماراپاتتالدى. «ەڭ ۇزدىك قىسقا مەتراجدى فيلم» جۇلدەسى «تىنىش بالا» فيلمىنە بۇيىردى.