بريتاندىق  شابااز سۇلەيمان ەسىمدى جىگىت وسىدان ءۇش جىل بۇرىن دايش تەرروريستىك توبىنداعى سودىرلارعا قوسىلىپ كەتكەن. ءوزىنىڭ حاليفاتتاعى ءومىرى جايلى ول  Sky News جۋرناليسىنە بايانداپ بەرگەن دەپ جازادى Qamshy.kz اقپارات اگەنتتىگى.

22 جاستاعى شابااز سول جىلداردا ۋاقىتىنىڭ كوپ بولىگىن PlayStation-دا ويىن ويناپ، ۆەلوسيپەد ايداۋمەن وتكىزگەنىن ايتادى. ونىڭ ايتۋىنشا، ول سودىرلارمەن جۇرگەنىنە 5 بولعاندا عانا توپ تۋرالى كۇدىكتەنە باستاعان.

«اۋەل باستا بۇل جيھات بولاتىن. ءبىز جيھاتقا ادامداردى ءولتىرىپ، باۋىزداۋ ءۇشىن ەمەس، تۇرعىنداردى قورعاۋ ءۇشىن شىققان بولاتىنبىز»-دەيدى ول.

جىگىتتىڭ ايتۋىنشا، ول ەشكىمدى ولتىرمەگەن. قاۋىپسىزدىك ءۇشىن قوينىندا قارۋ-جاراق ۇستاپ جۇرگەن. الايدا، كوپ ۇزاماي ونى «اسكەري پوليسيا» بولىمىنە جىبەرىپ، تۇرعىنداردى باقىلاتىپ قويعان. بريتاندىقتىڭ سوزىنشە، بۇل كەڭسە قىزمەتكەرلەرىنىڭ جۇمىسى سياقتى بولعان.

«دايش تەرروريستەرىمەن بىرگە بولعانىم راس. ءبىراق، ەشكىمى ءولىتىرىپ، قورلاعان جوقپىن..»-دەيدى ول.

قازىرگى ۋاقىتتا سۇلەيمان تۇركيا مەن سيريا شەكاراسىندا ورنالاسقان تۇرمەگە قامالعان. تەرروريستەرگە قوسىلىپ اقىماقتىق جاساعانىن ايتقان ول، ۇلىبريتانياعا قايتا كەلۋدى اڭسايتىنىن جەتكىزدى.

سۇلەيمانعا قاتىستى تەرگەۋ جۇرگىزىلىپ جاتىر. جالپى العاندا،  بۇرىڭعى سودىرلاردىڭ كوپشىلىگى تەرروريستەردىڭ اسكەري قيمىلدارىندا قاتىسقان جوقپىز، تەك قىزمەت كورسەتۋشى رەتىندە جۇمىس ىستەدىك دەپ ايتادى ەكەن.