پاكىستاندا 21 جاستاعى اسيا ءبيبى ەسىمدى قىز كۇيەۋىن ولتىرمەكشى بولعان ءۇشىن ۇستالعان. پەندجاب پروۆينسياسىندا بىردەن 15 ادام ۋلانىپ قايتىس بولعان دەپ جازادى ۆەستي.ru.
مالىمەتتەرگە سۇيەنسەك، قىزدىڭ سۇيگەن جىگىتى بولعانىنا قاراماستان، ونى ءوز ەركىنەن تىس كۇيەۋگە بەرگەن. جاس كەلىن ۇيدەن قاشىپ كەتكەن ەكەن، الايدا ونىڭ تۋىستارى قىزدى قونىسىنا قايتا اپارىپ تاستاعان. وسىدان كەيىن جاس قىز كۇيەۋىن سۇتكە ۋ قوسىپ ۋلاپ ولتىرمەكشى بولعان.
الايدا ۋلانعان ءسۇتتى ونىڭ كۇيەۋى عانا ەمەس، بارلىق 27 ادامنان تۇراتىن ۇلكەن وتباسى ءىشىپ ۋلانىپ قالعان. ءبيبىنىڭ كۇيەۋى جانە تاعى 15 ادام كوز جۇمعان.
اسيا ءبيبى مەن وعان بۇل قىلمىستى جاساۋعا كومەكتەسكەن جىگىتى مەن اپكەسى ۇستالىپ، قاماۋعا الىندى. ولارعا قانداي جازا تاعايىندالعانى ازىرگە بەلگىسىز.
پىكىر قالدىرۋ