باتىس كونسپيرولوگتارى اقىر زامان بولاتىن كۇندى اتادى دەپ جازادى Qamshy.kz اقپارات اگەنتتىگى Tengrinews.kz-كە سىلتەمە جاساپ. ولاردىڭ ايتۋىنشا، قاراشانىڭ ەكىنشى جارتىسىندا نيبيرۋ پلانەتاسىنىڭ گراۆيتاسياسى جەر پلانەتاسىنىڭ ليتوسفەرالىق تاقتاسىنىڭ قوزعالۋىنا ىقپال ەتەدى. سونىڭ سالدارىنان جەر سىلكىنىسى بولىپ، جانارتاۋلار اتقىلايدى.

ۋفولوگتاردىڭ بولجاۋىنشا، كاتاكليزم بارلىق ەلگە اسەر ەتەدى. ميلليونداعان ادام كوز جۇمادى. زەرتتەۋدى جۇرگىزگەن تەررال كروفتىڭ ايتۋىنشا، 2017 جىلدىڭ قاراشا ايىنىڭ سوڭعى ەكى اپتاسىندا عالامدىق سەيسمولوگيالىق بەلسەندىلىك ەڭ جوعارى شەگىنە جەتەدى. ساراپشىلار اقىر زامان 19-شى قاراشادا بولادى دەپ بولجايدى.

نيبيرۋ نەمەسە «بەلگىسىز پلانەتا» كۇننىڭ اينالىسىندا ءار 3600 جىل سايىن اينالادى دەگەن بولجام بار. وسى تەورياعا سەنەتىندەردىڭ ويىنشا، 100 جىل بۇرىن نيبيرۋ پلانەتاسى باسقا پلانەتالارعا اسەر ەتكەن. ماسەلەن، بۇل تۋرالى امەريكالىق عالىم  ديەۆيد ميد «Planet X The 2017 Arrival» كىتابىندا جازعان.

عىلىمي قاۋىمداستىقتار نيبيرۋ پلانەتاسى جوق دەپ ەسەپتەيدى. بۇعان دەيىن عارىش اگەنتتىگى NASA دا وسىنداي مالىمدەمە جاساعان.