نيۋ-يوركتە وزبەكستان ازاماتى قاساقانا جاياۋ جۇرگىنشىلەردى قاققان دەپ حابارلايدى Qamshy.kz اقپارات اگەنتتىگى شەتەلدىك باق-قا سىلتەمە جاساپ. وسى وقيعانىڭ سالدارىنان 8 ادام كوز جۇمدى.
التى ادام سول جەردە مەرت بولدى. ەكى ادام اۋرۋحانادا جان تاپسىردى. 11 ادام ومىرىنە ءقاۋىپ توندىرمەيتىن جاراقات الدى.
پوليسيانىڭ مالىمەتىنشە، قاسكۇنەم ەڭ الدىمەن مانحەتتەندە ۆەلوجولدا ادامداردى قاعىپ، ودان كەيىن مەكتەپ اۆتوبۋسىن سوققان.
كوز جۇمعانداردىڭ اراسىندا امەريكالىقتارمەن قاتار بەلگيا جانە ارگەنتينا ازاماتتارى بار. بۇل تۋرالى بەلگيانىڭ سىرتقى ىستەر ءمينيسترى ديدە رەيندەرس پەن ارگەنتينانىڭ ءسىم حابارلادى.
امەريكالىق باق-تىڭ حابارلاۋىنشا، ۇستالعان 29 جاستاعى سايفۋللو سايپوۆ وزبەكستان ازاماتى. ونىڭ كولىكتى جالعا العانى انىقتالدى.
سايفۋللو سايپوۆ 2010 جىلى اقش-قا كەلگەن. 2015 جىلى پەنسيلۆانيادا جول ءجۇرۋ ەرەجەسىن بۇزعانى ءۇشىن جاۋاپقا تارتىلعان.
پىكىر قالدىرۋ