استانا قالالىق ءىىد وكىلدەرى ەلورداداعى ايالدامالاردىڭ بىرىندە ارانداتۋ مانىندە ءماتىن جازىپ كەتكەندەرگە قاتىستى جاڭا ءمان-جايدى انىقتادى، - دەپ حابارلايدى Qamshy.kz اقپارات اگەنتتىگى Tengrinews.kz-كە سىلتەمە جاساپ.

 ءىىد وكىلدەرىنىڭ حابارىنا قاراعاندا، كۇدىكتى قىلمىسىن مويىنداپ وتىر جانە ول بۇرىن سوتتى بولعان ەكەن.

"سوتقا دەيىنگى تەرگەۋ بارىسىندا سوتتالۋشى ءوز كىناسىن مويىندادى. تاڭعى بەستەردە بۇل ايالدامادا ماس كۇيدە بولعانىن حابارلادى. قازىرگى ۋاقىتتا ءىس ماتەريالدارى سوتقا جىبەرىلدى"، - دەپ حابارلادى ءىىد وكىلدەرى.

ەلوردالىق ءىىد تەرگەۋ باسقارماسىنىڭ وكىلدەرى وقيعانىڭ بيىل تامىزدا بولعانىن ەسكە سالىپ وتىر. جازىلعان ءماتىندى ءتارتىپ ساقشىلارى "ۇلتتىق، رۋلىق، ناسىلدىك، الەۋمەتتiك جانە دiني ارازدىقتى تۇتاندىرۋ" دەپ باعالادى. ەسكە سالساق، سول كەزدە Facebook جەلىسىندە جەڭىس داڭعىلى مەن مولداعۇلوۆ كوشەسىنىڭ قيىلىسىنداعى ايالداماعا جازىلعان ءماتىننىڭ سۋرەتى جاريالانعان ەدى.