سىرتقى ىستەر مينيسترلىگىنىڭ رەسمي وكىلى ءانۋار جايناقوۆ ءوزىنىڭ Facebook پاراقشاسىندا اقش-تاعى تەراكتىدە قازاقستاندىقتار زارداپ شەكپەگەنىن جازدى دەپ حابارلايدى Qamshy.kz اقپارات اگەنتتىگى.
«بار مالىمەتتەر بويىنشا، نيۋ-يورك قالاسىندا جۇك كولىگى ءبىر توپ جاياۋ جۇرگىنشىلەردى باسىپ كەتۋىنىڭ ناتيجەسىندە قازا تاپقانداردىڭ جانە زارداپ شەككەندەردىڭ اراسىندا قازاقستان ازاماتتارى جوق. قازاقستاندىق ديپلوماتتار وسى احۋالدى باقىلاۋدى جالعاستىرۋدا» دەپ جازدى ءانۋار جايناقوۆ.
ەستەرىڭىزگە سالا كەتەيىك، نيۋ-يوركتە وزبەكستان ازاماتى جاياۋ جۇرگىنشىلەردى قاساقانا كولىكپەن قاعىپ، مەكتەپ اۆتوبۋسىن سوققان. سونىڭ ناتيجەسىندە 8 ادام كوز جۇمدى. 11 ادام جاراقاتتاندى.
پىكىر قالدىرۋ