الەۋمەتتىك جەلىدە جۇڭگو ازاماتتارىنىڭ ءبىر قازاق پوليسەيىنە جابىلىپ، دورەكى سوزدەرمەن بالاعاتتاعان ۆيدەوسى جاريالاندى. وقيعانىڭ الماتى وبلىسى پانفيلوۆ اۋدانى قورعاس اۋىلىندا بولعانى انىقتالدى، دەپ حاباررلايدى Qamshy.kz اقپارات اگەنتتىگى.

الماتى وبلىسى پانفيلوۆ اۋداندىق ىشكى ىستەر ءبولىمى بولعان وقيعانى راستادى. ءىىب وكىلىنىڭ مالىمدەۋىنشە، وقيعا 31 قازاندا ورىن العان. بۇگىندە جۇڭگو ازاماتى ۇستالدى جانە پوليسەي قىزمەتكەرلەرى قازاقستان رەسپۋبليكاسى اكىمشىلىك قۇقىق بۇزۋشىلىق تۋرالى كودەكسىنىڭ 667-بابىنا سايكەس «زاڭدى تارتىپكە نەمەسە قۇقىق قورعاۋ ورگاندارىنا نەمەسە ارناۋلى مەملەكەتتىك ورگانعا باعىنباۋ» حاتتاما تولتىردى. ءارى اتالمىش وقيعاعا بايلانىستى رەسمي قۇجاتتاردىڭ دا بار ەكەنىن ايتتى. 

ايتا كەتەيىك، ۆيدەو 1 ساعاتتىڭ ىشىندە 5 مىڭعا جۋىق كورىلىم جيناپ، 100-گە جۋىق پىكىر جازىلدى.