يراكتىڭ كيركۋك قالاسىندا ەكى بىردەي جارىلىس بولىپ، كەمى 5 ادام اجال قۇشتى. 20 شاقتىسى جاراقات العان. دارىگەرلەردىڭ ايتۋىنشا، زارداپ شەككەندەردىڭ سانى ءالى دە ءوسۋى مۇمكىن، ويتكەنى كوبىنىڭ ءحالى ناشار،-دەپ جازادى Qamshy.kz اقپارات اگەنتتىگى 24.kz سايتىنا سىلتەمە جاساپ. 

بەلىنە جارىلعىش بايلاپ العان جانكەشتى قالا ورتالىعىنداعى اتلاس كوشەسىندە ءوزىن-وزى جارىپ جىبەرگەن. كوپ ۇزاماي وقيعا بولعان جەردە تاعى بىرەۋ ءدال سونداي جارىلىس جاساعان.

تەراكتىنى ءالى ەشبىر توپ موينىنا العان جوق. دەگەنمەن جەرگىلىكتى بيلىك وكىلدەرى شابۋىلدى «يراك جانە ليەۆانت لاڭكەستىك توبى» جاساۋى مۇمكىن دەيدى. ايتا كەتەيىك، وسىدان 1 اي بۇرىن يراك اسكەريلەرى قالانى سودىرلاردان ازات ەتكەن ەدى. بۇل جارىلىس – سول ۋاقىتتان بەرى جاسالعان ءبىرىنشى شابۋىل.