ءتورت جىل بويى كۇزەتشى بولىپ جۇمىس ىستەيتىن بەكسۇلتان ەسىمدى ازامات - سوڭعى جىلى قىزمەت ەتىپ جۇرگەن تۇنگى كلۋبتىڭ كەلۋشىلەرى تۋرالى ايتىپ بەردى. بۇل تۋرالى Qamshy.kz اقپارات اگەنتتىگى  vastane.kz «ينستاگرام» پاراقشاسىنا سىلتەمە جاساپ جازادى. كلۋبتىڭ كەلۋشىلەرى كوبىنە ىشىمدىك ءىشۋ ءۇشىن كەلەدى:

-«تۇنگى كلۋبتا كۇزەتشى بولىپ جۇرگەنىمە ءبىر جىل بولدى جانە مەنىڭ كاسىبىم ەڭ كەرەكتى قىزمەتتەردىڭ ءبىرى ەكەندىگىنە ءشۇبام جوق. ايەل، ەركەك نەمەسە لاۋازىمىنا قاراماي، ءىشىپ السا كەز كەلگەن ادام قادىر-قاسيەتىنەن جۇرداي بولارى جاسىرىن ەمەس. سونداي جاعدايدا مەنىڭ وتە قاتتى ەڭبەكتەنۋىمە تۋرا كەلەدى. ويتكەنى ولار بىر-بىرىمەن توبەلەسىپ نەمەسە باسقا نارسەلەردى بۇلدىرمەسىن دەپ قاراپ جۇرەمىن»

بەكسۇلتاننىڭ ايتۋىنشا ول قانشاما رەت توبەلەسكەندەردى اجىراتۋمەن بولعان.

-«جاسى كەلگەن، باي، جوعارى لاۋازىمدى ەركەكتەر  كوبىنە بىزدەگى ۆيپ بولمەلەردى جالداپ، وزدەرىن وتە ادەپسىز ۇستايدى. قىزداردىڭ كوزىنشە ءبىر-بىرىن بالاعاتتاپ، ارتىنان توبەلەسىپ، كلۋبتىڭ تارەلكەسى بار ما، قىمبات قور-قور بولسىن، جيھازداردى دا سىندىرا بەرەدى. ءبىراق، شىنى كەرەك، ولار زاقىمداعان زاتتاردى ءۇش ەسە باعامەن كلۋب يەلەرىنە قايتارىپ، تولەپ بەرەدى».

كۇزەتشى اڭگىمەسىنەن قىزدار دا تىس قالعان جوق. ونىڭ ايتۋىنشا:

-«ەركەكتىڭ ماحابباتى جەتىسپەگەن قىزدار، ورتاعا شىعىپ الىپ بيلەيدى. مۇنداي كەزدە ولاردى توق ۇرىپ جاتقانداي كورىنەدى. سوڭعى كەزدەرى ءىشىپ العان قىزداردىڭ بىر-بىرىمەن ءسۇيىسىپ جاتقاندىعىن بايقايتىن بولدىم. مەنىڭ ويىمشا، ولار ءبىر-بىرىن سۇيگەندىكتەن ەمەس، باسقالاردىڭ نازارىن اۋدارۋ ءۇشىن وسىنداي ارەكەتكە باراتىن سياقتى».

ونىڭ ۇستىنە، سوڭعى كەزدەرى قىزداردىڭ ىشىندە دە ءوزىن وتە ناشار ۇستايتىندارى بار ەكەن.

-«ماسەلەن، قىزدارعا اقىرىن عانا بارىپ، ەسكەرتپە جاساعاندا ولار باج ەتىپ وزىڭە ايعايلاپ بەرەدى. ءتىپتى، ماعان قول الا جۇگىرگەندەرى دە بولدى. كلۋبتان جۇرە الماستاي حالگە جەتىپ، ماس بولعان قىزداردى سىرتقا شىعارعانىمدا دا ولار ارتىمنان ايعايلاپ قالاتىن».

بەكسۇلتان ونداي قىزدارعا قاتتى اشۋلانباي، تۇسىنۋگە تىرىساتىنىن ايتادى. الايدا ول قىزداردىڭ باسقا «سىلقىم» توبىنا قاتتى جىنى كەلەتىنىن جاسىرمادى.

-«كلۋبقا قالتالى ازاماتتاردىڭ باسىن اينالدىرۋعا كەلەتىن «سىلقىم سۇلۋلاردىڭ» باستى ماقساتى تۋرالى كلۋب قىزمەتشىلەرىنىڭ بارلىعى بىلەدى. ولار بارعا بارىپ سۋسىنعا تاپسىرىس بەرەدى. ولار ۇنەمى ەكى-ەكىدەن جۇرەدى جانە بىر-بىرىمەن سەلفي جاسايدى»،- دەيدى كۇزەتشى.