سوڭعى ۋاقىتتاردا الەمنىڭ تۇكپىر-تۇكپىرىنەن ءوزىن اللانىڭ ەلشىسىمىن دەپ تانىستىراتىنداردىڭ قاتارى كوبەيگەن. قازاقستاندا دا ءبىرشاماسى بار. مۇندايلارعا كوز جۇما قاراعانىمىزبەن، ولاردىڭ سانى ارتىپ كەلەتىنىن ايتا كەتكەن ءجون.

پايعامبارىمىز مۇحاممەدتىڭ (اللانىڭ وعان سالەمى مەن سالاۋاتى بولسىن!) سوڭعى ەلشى ەكەنىن جوققا شىعارىپ، ءوزىن پايعامبارمىن دەپ جاريا ەتكەندەردىڭ ءبىرى – باقىتباي سەيىتوۆ. ول بۇدان بۇرىن دا ەل الدىنا «پايعامبار» رەتىندە شىعىپ جۇرگەن، ال بۇل جولى ءوزى جايلى "شىندىقتى" اشىق جاريالاپتى. ءوزىنىڭ YouTube ارناسىن اشقان باقىتباي سەيىت ەلگە ءوزىن "پايعامبار" رەتىندە 1 اپتا بۇرىن تانىستىردى.

«مەن جاسىرىن ەدىم.... ءبىراق ۆەرتۋالدى بولسادا ەلگە شىقتىم....«ءتاڭىرىم مەنىڭ! ماعان، مەنىڭ كۇنالارىمدى، مەنىڭ، ماعان وزىڭنەن جۇكتەلگەن ىستەردەگى دۇرىس ورىنداۋلارىمنان اۋىتقۋىمدى كەشىرە گور؛ تابانىمدى نىقتاي گور، ارسىز ادامدارعا قارسى، ماعان كومەك بەرە گور!»، - دەيدى ول.