42 جاستاعى ماسكەۋلىك بوريس (اتى وزگەرتىلگەن) پاراشيۋت سپورتىنىڭ مامانى، بيزنەسمەن جىل سايىن قايىرىمدىلىق قورلارىنا قوماقتى قارجى جىبەرەدى. الايدا ايەلىمەن اجىراسقاننان كەيىن ونى دالاعا قۋىپ جىبەرگەن. جانە وسى قىلىعىنا ەش وكىنبەيدى دە.  بۇل تۋرالى لەنتا.رۋ جازادى.

«مەنى كىنالايتىندارعا ايتارىم: ماعان ءبارىبىر. مەن بارلىعىن بالالارىم ءۇشىن ىستەدىم. ايەلىمنىڭ كوزىن قۇرتۋ، ونى تومەندەتۋ مەنىڭ ويىمدا بولعان جوق. باستى ماقساتىم- مەنىڭ جانە وتباسىمنىڭ ءومىر سۇرۋىنە كەدەرگى كەلتىرگەن جاعدايلاردىڭ كوزىن جويۋ بولدى»-دەيدى ول.

«لەنامەن 2006 جىلى تانىستىق. ول مەنىڭ جاڭادان اشىلعان كومپانياما جۇمىسقا تۇردى. كۇندە بىرگە جۇمىس ىستەپ، جاقىنداسىپ كەتتىك. ول ازاماتتىق نەكەدە تۇرعان، 1 قىزى بار بولاتىن. 2007 جىلى ۇيلەندىك. 2008 جىلى ۇلدى بولدىق. تاعى 3 جىلدان كەيىن تاعى ءبىر ۇلىمىز تۋىلدى. باستاپقىدا بارلىعى جاقسى بولاتىن. لەنا جۇمىس ىستەگەن جوق. بالالاردى قارادى، ءۇيدىڭ جۇمىستارىن ىستەدى. مەن جۇمىس ىستەپ، اقشا تاپتىم».

«بوسانعاننان سوڭ، لەنادا دەپرەسسيا باستالدى. كۇنى بويى ۇيدە وتىرىپ، جىلاپ-سىقتاپ، ۇندەمەي وتىرىپ الاتىن بولدى. بالالارعا دا قاراماي كەتتى. ءتىپتى، ولاردى بالاباقشادان، مەكتەپتەن الىپ كەتۋدى دە ۇمىتتى. وسى ۋاقىتتا كورشىلەرىمىزبەن ۇرىس-كەرىس ورىن الىپ، لەنانىڭ اكەسى قايتىس بولدى.  وسى جاعدايلار دا ونىڭ جۇيكەسىنە اسەر ەتتى. بالا كۇتۋشىسىن جالداپ، تىنىقسىن دەدىم. الايدا، بۇل كەزدە ونىڭ جۇيكەسى سىر بەرگەن ەدى...».

«وسى ۋاقىتتا ونى جۇمىسقا تۇرعىزدىم. ءبىراز ۋاقىت جاقسارعانداي، وزگەرگەندەي بولدى. ءبىر جىل جاقسى، ءتاتۋ-تاتتى ءومىر سۇردىك. تۋرا ءبىر جىلدان سوڭ، ۇيدە وتىرام، جۇمىس ىستەمەيمىن دەگەن سوڭ، جۇمىستان شىقتى. قارسىلىق بىلدىرگەن جوقپىن. بالالاردى قاراپ ءجۇردى. ارادا ءبىراز ۋاقىت وتكەن سوڭ ونىڭ كۇندەلىكتى ءىشىپ جۇرگەنىن ءبىلدىم. ناركولوگقا اپاردىم، نيەۆروزدار   اۋرۋحاناسىنا جاتقىزدىم. ول جەردەن شىققان سوڭ، لەنا ىشپەيتىن بولدى، ءبىراق ەسى اۋىسىپ شىقتى. ۇيگە دالادان قوقىس زاتتاردى جيناۋدى شىعاردى. ءىشۋدى قويسا دا، ەندى ءۇيدىڭ بارلىعى قوقىس پەن بوتەلكەلەرگە تولىپ جاتاتىن بولدى.

ءوزىڭىز ەلەستەتىڭشى، اس ۇيدە دالادان اكەلىنگەن قوقىستار جاتىر، ال بالالارىڭىز ولارمەن ويناپ جاتىر. ماسقارا عوي!»-دەيدى بوريس.

وسىدان كەيىن زاتتارىن قولىنا بەرىپ، دالاعا شىعارىپ تاستادىم. اناڭنىڭ ۇيىنە بارعانىڭ دۇرىس دەدىم. ءفورمالدى تۇردە ءالى ەرلى-زايىپتىمىز. ءبىراق، ونىڭ اناسى مەنىڭ بالالارىم مەن ءۇيىمدى تارتىپ الماقشى.

«نەكە-بۇل سەرىكتەستىك، ادامدى سۇيرەتىپ، بارىنشا قۇتقارۋعا تىرىسىپ، ەمدەتۋگە بولدى، ءبىراق ودان مەن دە، بالالار دا زارداپ شەگەدى. ال ول ادام ساعان ىستەلىپ جاتقان جاقسىلىقتى، كومەكتى تۇسىنبەسە، ودان نە ءتايىرى؟».