31 جاستاعى اكتريسا مارينا ورلوۆا اشىق سۇحبات بارىسىندا جاقىندا قايتىس بولعان ساتيريك ميحايل زادورنوۆپەن قارىم-قاتىناسى جايىندا ءسوز قوزعادى.

ءارتىستىڭ ايتۋىنشا، ءبارى ءبىر ءاننىڭ سوزىنەن باستالعان. ميحايل زادورنوۆ ورلوۆانىڭ ورىنداۋىنداعى «موي گەنيي» ءانىنىڭ سوزىنەن ەرەكشە اسەرلى كۇيگە ەنگەن.

«ول ءدال وسى ءاندى كونسەرتتە ورىنداپ بەرۋىمدى ءوتىندى. مەن ورىنداپ بەردىم. كەيىن وزگە دە اندەردى ورىنداي باستادىم. ساحنادا زادورنوۆ سىندى زيالى قاۋىمنىڭ الدىندا تۇرىپ ءان شىرقاۋ مەنىڭ ارمانىم بولاتىن»، - دەدى اكتريسا.

ۋاقىت وتە كەلە زادورنوۆ ماريناعا تۋعان ولكەسىن تانىستىرادى.

«ول تابيعي سۇلۋلىقتى باعالايتىن. مەنىڭ مۇلدەم بويانباي ءجۇرۋىمدى تالاپ ەتەتىن. ال كونسەرتتەرگە، مەرەكەلىك كەشتەرگە اق نەمەسە اشىق ءتۇستى قاراپايىم كويلەك كيگەنىمدى قالايتىن. ساحاناعا جىلتىراپ شىعۋىمدى قالاماۋشى ەدى. مەن ءتۇرلى فەستيۆالدارعا قاتىسۋ ءۇشىن شەتەلگە جول جۇرەتىن كەزدەرىمدە اشۋلاناتىن، ءسويتىپ بىردە تۋعان كۇنىمە قىزىل كىلەمشە الىپ بەرەتىنىن ايتتى. ول كىلەمشەنى ۇيىمە توسەپ قويىپ، ارى-بەرى ءجۇرۋىم ءۇشىن... زادورنوۆ ءۇشىن مەن مارينۋشكا بولدىم»، - دەپ ەسىنە ءتۇسىردى مارينا ورلوۆا.

 سونداي-اق مارينانىڭ ايتۋىنشا، ساتيريكتىڭ ەنەرگياسى دا مول بولعان. ەشتەڭەدەن قورىقپايتىن، كەز كەلگەن تاۋەكەلدەرگە باراتىن. ادەبيەتتى جاقسى كوردى، ءوزى كىتاپتار جازدى، كوپ ساياحاتتادى، سالاۋاتتى ءومىر سالتىن ۇستاندى.

ءارى اكتريسا زادورنوۆتىڭ ءبىرىنشى ايەلىن تانىماعانىن ايتادى. ەكىنشى ايەلى مەن قىزىن بىلگەنىمەن، جەكە تانىسپاعان. ال زادورنوۆ قىزى جايىندا ءجيى ايتقان كورىنەدى.

مارينا زادورنوۆتىڭ سوڭعى مۋزاسى جانە عاشىعى بولىپ قالدى. الايدا اكتريسا حالىقتىڭ ءسوزىن جوققا شىعارىپ وتىر. ول ساتيريكتى ءوزىنىڭ ۇستازى جانە دوسى رەتىندە قابىلداعانىن ايتادى.

«ميحايل زادورنوۆتىڭ ءولىمى – مەن ءۇشىن، حالقىلىم ءۇشىن ۇلكەن قايعى»، - دەدى ورلوۆا.

ايتا كەتەيىك، رەسەيلىك جازۋشى ءارى ساتيريك ميحايل زادورنوۆ 70-كە كەلگەن شاعىندا 10 قاراشادا ومىردەن ءوتتى.