ەۋرازيالىق شىعارماشىلىق گيلدياسى جانە Herdforshire Press باسپاسى ۇيىمداستىرعان VI-ەۋرازيالىق اشىق ادەبي بايقاۋدا، پوەزيا نوميناسياسى بويىنشا اقىن عالىم جايلىبايدىڭ «قارا ورامال» پوەماسى ءۇشىنشى ورىن الدى، دەپ حابارلايدى Qamshy.kz اقپارات اگەنتتىگى.

بايقاۋعا الەمنىڭ 36 مەملەكەتىنەن 1600 شىعارما تۇسكەن. «قارا ورامال» پوەماسى اتالمىش بايقاۋعا قاتىسقان ەلدەردىڭ تىلىنە اۋدارىلادى.

حالىقارالىق «الاش» ادەبي سىيلىعىنىڭ لاۋرەاتى، اقىن عالىم جايلىبايدىڭ «قارا ورامال» كىتابىنىڭ تۇساۋكەسەر كەشى 2014 جىلدىڭ 29 مامىرىندا قاراعاندىدا وتكەن.

اقىننىڭ ناۋبەت جىلداردى ارقاۋ ەتىپ، ساياسي قۋعىن-سۇرگىن قۇرباندارىنا ارنالعان «قارا ورامال» داستانى «بولاشاق» باسپاسىنان ورىستىڭ بەلگىلى اقىنى نادەجدا چەرنوۆانىڭ اۋدارماسىمەن ەكى تىلدە جارىق كورگەن بولاتىن.

 XX عاسىردا ەل باسىنا تونگەن زۇلمات زامان اشىق جازىلعان داستان «قاراعاندى لاگەرى»، «كارلاگ قاقپاسى»، «احمەتجان سارمانتاي ۇلىنىڭ «58-ستاتيا» كۇيى»، «قىزجىلاعان»، «يرينا بورحماننىڭ «ۇزىلگەن ساپار» كارتيناسى»، «ماموچكينا مولاسى»، «ءۇش قاعىس» اتتى تاراۋشا جىرلاردان تۇرادى.