ەۋرازيا حالىقتارى اسسامبلەياسى باس حاتشىسىنىڭ ورىنباسارى تولەگەن مۇحامەدجانوۆ Cانكت-پەتەربۋرگتە وتكەن حالىقارالىق فورۋمدا ديماشتىڭ قازاقتار تۋرالى قىتايلاردىڭ پىكىرىن قالاي وزگەرتكەنىن ايتىپ بەردى، دەپ حابارلايدى Qamshy.kz اقپارات اگەنتتىگى Sputnik قازاقستانعا سىلتەمە جاساي وتىرىپ.
"ءبىزدىڭ ءانشىمىز 23 جاستاعى ديماش قۇدايبەرگەن ءقازىر قىتايدا ءنومىر ءبىرىنشى ءانشى. قىتايلار اركەز بىزگە قازاقتارعا جوعارىدان قارايتىن. ءتىپتى ولاردىڭ باستاۋىش سىنىپتارداعى كارتاسىندا قازاقستان اۋماعى قىتايعا كىرىپ كەتكەن.
مىنەكي، ءقازىر ەندى ءبىزدىڭ جىگىت جارق ەتىپ، ءنومىر ءبىرىنشى "قىتايعا" اينالدى دەسەك ارتىق ايتپاسپىز. ونى قىتايدا جاقسى كورەدى، ديماش ارقىلى ءبىزدىڭ ەلىمىزدى ءتانىپ-بىلىپ جاتىر. ءبىزدى بۇرىنعىدان بەتەر سىيلاپ، ءتىلىمىزدى تۇسىنە باستادى. ويتكەنى ديماش قازاق تىلىندە دە ءان ايتىپ ءجۇر"، — دەدى تولەگەن مۇحامەدجانوۆ.
حالىقارالىق مادەني قاۋىمداستىقتىڭ پرەزيدەنتى ەۋرازيا كونتينەنتىندەگى ەلدەر بىر-بىرىمەن بايلانىسىن ۇزبەۋ قاجەتتىگىن ەرەكشە اتاپ ءوتتى.
