الماتى قالاسىنىڭ جەرگىلىكتى اتقارۋ ورگاندارىمەن قازاقستان رەسپۋبليكاسى قارۋلى كۇشتەرىنىڭ وفيسەرلىك قۇرامىنىڭ لاۋازىمدارىن جيناقتاۋ بويىنشا ءىس-شارالاردى ىرىكتەۋ جۇرگىزىلۋدە.

قازاقستان رەسپۋبليكاسىنىڭ ۇكىمەتىنىڭ 2017 جىلعى 31 تامىزداعى "اسكەري قىزمەتكە زاپاستاعى وفيسەرلەردى شاقىرۋ تۋرالى" №531 قاۋلىسىنا سايكەس زاپاستاعى وفيسەرلەردى اسكەري قىزمەتكە شاقىرۋ جۇمىستارى جاسالىپ جاتىر.

قازاقستان رەسپۋبليكاسىنىڭ قارۋلى كۇشتەرىنىڭ قاجەتتىلىكتەرىنە بايلانىستى ىرىكتەۋ ءىس-شارالارى ارتيللەريا جانە مەديسينا ماماندىقتارى بويىنشا كانديداتتار ۇسىنىلادى. 2017 جىلى قازاقستان رەسپۋبليكاسى ۇكىمەتىنىڭ قاۋلىسىنىڭ قوسىمشاسىنا سايكەس اسكەري-مەديسينالىق قىزمەتكە 100 زاپاستاعى وفيسەر مەن 50 ارتيللەريست شاقىرۋ تارتىبىمەن شاقىرىلادى.

الماتى قالاسى بويىنشا 22 مەديسينالىق جانە 14 ارتيللەريست سالا ماماندارى تارتىلعان. زاڭناماعا سايكەس زاپاستاعى وفيسەرلەر قۇرامىنىڭ قىزمەت ەتۋ مەرزىمى 2 جىل. بۇل اسكەري قىزمەتكە جاسى 29 دەيىنگى ەر ازاماتتار قابىلدانادى. قازاقستان رەسپۋبليكاسى قارۋلى كۇشتەرىنىڭ وفيسەرلىك قۇرامىنىڭ لاۋازىمدارىن جيناقتاۋ ءۇشىن زاپاستاعى اسكەري مىندەتتىلەردى ىرىكتەۋ 2012 جىلعى 16 اقپانداعى №561 "اسكەري قىزمەت جانە اسكەري قىزمەتشىلەردىڭ مارتەبەسى تۋرالى" ق ر زاڭىنىڭ 32-بابىنا سايكەس جۇرگىزىلەدى. كانديداتتار اۋداندىق جانە قالالىق مەديسينالىق كۋالاندىرۋدان وتەدى. سونىمەن قاتار پسيحولوگيالىق تەست تاپسىرادى.

زاپاستاعى وفيسەرلەر اسكەري قىزمەتىن وتكەرۋ كەزەڭىندە الەۋمەتتىك قامتاماسىز ەتۋدىڭ مىناداي جەڭىلدىك قۇقىقتارى قاراستىرىلعان: زاتتاي مۇلىك ۇلەستەر نورمالارى، جالعا الۋ ءۇشىن كەپىلدىك وتەماقى، وفيسەرلەرگە اقشالاي ۇلەس، ەكى جالاقى مولشەرىندە كوتەرمە جارلەماقى، ۇستەماقىلار، سىياقىلار جانە باسقا دا الەۋمەتتىك جاردەماقىلار. وسىنداي كورسەتكىشتە قارۋلى كۇشتەرىنىڭ قاتارى كۇن ساناپ ءوسىپ كەلەدى. اتالعان ىرىكتەۋ ءىس-شارالارى اعىمداعى جىلدىڭ سوڭىنا دەيىن جالعاسادى.

قارلىعاش مۇسابەك قىزى،

الماتى قالاسىنىڭ قورعانىس ىستەرى جونىندەگى دەپارتامەنتى