پەنسيلۆانيا شتاتىنداعى ۋنيۆەرسيتەت، نانيان تەحنولوگيالىق ۋنيۆەرسيتەتى جانە ريو-دە-جانەيرونىڭ فەدەرالدى ۋنيۆەرسيتەتى مەن باسقا دا جەتى عىلىمي مەكەمە عالىمدارىنان تۇراتىن حالىقارالىق عىلىمي توپ شىبىنداردىڭ ادام ءۇشىن وتە ءقاۋىپتى باكتەريالاردى تاسىمالدايتىنىن انىقتادى دەپ حابارلايدى Qamshy.kz اقپارات اگەنتتىگى  tengrinews.kz-كە سىلتەمە جاساپ.

بۇعان دەيىن دە شىبىننىڭ ءقاۋىپتى باكتەريالاردى تاسىمالدايتىنى بەلگىلى بولعان. الايدا عالىمدار شىبىنداردىڭ ودان دا ءقاۋىپتى باكتەريا تاسىمالدايتىنىن انىقتادى.

عالىمدار وڭتۇستىك، سولتۇستىك امەريكادا جانە ەۋرازيادا ۇستاپ الىنعان ەت جانە بولمەدە ۇشىپ جۇرەتىن 116 شىبىننىڭ ميكروبيوماسىنا تالداما جاسادى. زەرتتەۋ ناتيجەسىندە، باكتەريالاردىڭ كوبى شىبىنداردىڭ تابانىندا جانە قاناتىندا بولاتىنى انىقتالدى. بولمە شىبىندارى 351 ءقاۋىپتى ميكرواعزانى تاسىمالدايتىنى بەلگىلى بولدى. ال ەتكە قوناتىن شىبىندار – 316.

عالىمدار زەرتتەۋ ناتيجەسىن ەسكەرە وتىرىپ، شىبىنداردىڭ بۇعان دەيىن تاسىمالدايتىن اۋرۋلاردان دا ءقاۋىپتى جانە كوپ اۋرۋ ءتۇرىن تاسىمالدايدى دەگەن قورىتىندىعا كەلگەن. شىبىن Helicobacter pylori باكتەرياسىن تاسىمالدايدى. ودان كوپتەگەن ىشەك، اسقازان اۋرۋلارى پايدا بولادى.