كەشە «اكەم تەاتر» اتىنىپ كەتكەن م.اۋەزوۆ اتىنداعى قازاق مەملەكەتتىك اكادەميالىق دراما تەاترىندا «اداسقاق» دراما-ديالوگىنىڭ تۇساۋكەسەرى ءوتتى. «اداسقاق» دراما-ديالوگى XIX عاسىردا ءومىر سۇرگەن قازاق دالاسىن اسەم انىمەن تەربەپ، ارتىنا ولمەس مول مۇرا قالدىرعان ءبىرجان سال قوجاعۇل ۇلى تۋرالى سىر شەرتەدى.
ءبىرجان سال قوجاع ۇلىنىڭ ءومىرى مەن ونەرىنەن سىر شەرتەتىن قويلىم ءوڭ مەنەن ءتۇس اراسىندا وتەدى. تۇسىندە ءبىرجان سالدىڭ ابايمەن، اقان سەرىمەن جۇزدەسكەنىن كورسەتىپ، ونەر ادامىنىڭ ىشكى ارپالىسىن، جان دۇنيەسىن  كورسەتەتىن قويىلىم. ءومىرىڭنىڭ سوڭىندا اۋىر دەرتكە شالدىققان ءبىرجان سالدىڭ تاعدىرى مەن «تەمىرتاس» ءانىنىڭ شىعۋ تاريحىن بەينەلەيتىن كەرەمەت قويىلىم. ءبىز بىلمەيتىن ءبىرجان سالدىڭ ءومىرىن كوز الدارىڭىزدا وتەدى. قويلىمدا وتىرىپ ءسىز تۋرا ءبىرجان سالدىڭ زامانىندا ءومىر سۇرگەن سياقتى، اقىننىڭ جان دۇنيەسىن تۇسىنەسىز.
«اداسقاق» دراما-ديالوگى - كورنەكتى جازۋشى-دراماتۋرگ، ق ر مەملەكەتتىك سىيلىعىنىڭ لاۋرەاتى اسقار سۇلەيمەنوۆتىڭ پروزالىق سيكلى بويىنشا قويىلعان. قويىلىمنىڭ رەجيسسەرى – ق ر ەڭبەك سىڭىرگەن قايراتكەرى اۋباكىر راحيموۆ. ال ءبىرجان سالدىڭ ءرولىن سومداعان بەكجان تۇرىستىڭ ويناعانىن كورگەندە سول زامانعى ءبىرجان سالدى كورگەندەي بولاسىز.
ءبىرجان سالدىڭ ومىرىنەن سىر شەرتەتىن قويىلىم كورەرمەندەردىڭ كوڭىلىنەن شىعىپ، ىستىق ىقىلاسىنا بولەندى. قويىلىم سوڭىندا حالىق ءبىرجان سالدى قيا الماي ءبىراز قول سوقتى.

«اداسقاق» قويىلىمى ءبىر ءاننىڭ،  ءبىرجان سال مەن اقان سەرىنىڭ، جيىپ كەلگەندە قازاقتىڭ XIX عاسىرداعى جالپى رۋحاني بولمىسىن كورسەتكەن قويىلىم. ۇلت رۋحانياتىنىڭ جاڭعىرۋى عانا ەمەس، ۇلتتىق سانانىڭ  وركەن جايۋۋىنا ۇلەس قوساتىن بۇل قويىلىمدى ءار قازاق كورۋگە مىندەتتى...