جۇڭگو بيلىگى ايەلدەردى كۇيەۋلەرىنە باعىنۋدى ۇيرەتەتىن جەكە ينستيتۋتتى جاپتى دەپ جازادى Qamshy.kz اقپارات اگەنتتىگى BBC-گە سىلتەمە جاساپ.

جەرگىلىكتى ءبىلىم بەرۋ جۇيەسى مەكەمەسىنىڭ مالىمدەمەسىنە سايكەس، ءداستۇرلى مادەنيەتتى دارىپتەيتىن فۋشۋن مەكتەبى  قحر-دىڭ ءبىلىم بەرۋ جۇيەسىنە نەگىزدەلگەن سوسياليستىك پرينسيپتەرگە قايشى كەلدى.

مەكتەپ سايتىندا مۇعالىمدەردىڭ ايەلدەر مەن ەر ادامداردىڭ تەڭدىگىنە قارسى شىققان جانە ەر ادام تاراپىنان كۇش كورسەتىلسە قارسىلاسپاۋ كەرەكتىگىن ايتقان ۆيدەوسى جاريالاندى.

سوڭعى ۋاقىتتا قىتايدا ۇلتتىق قۇندىلىقتاردى دارىپتەۋ دەگەن جەلەۋمەن اتالمىش ينستيتۋتتاردىڭ قاتارى كوبەيگەن.  

فۋشۋن مەكتەبى مۇعالىمدەرىنىڭ الەۋمەتتىك جەلىدە تارالعان ۆيدەودا ستۋدەنتتەردى ءبىلىم الىپ، كاسىپ الۋدىڭ قاجەتى جوق ەكەنىن جانە ءارقاشان تومەنگى ساناتتا قالۋعا ۇگىتتەيدى.

وزگە مەكتەپتەردە ايەلدەرگە ەشقاشان اجىراسپاۋ كەرەكتىگىن جانە كۇيەۋى، بالاسى، اكەسى مەن اعاسىنا باعىنۋدى ۇيرەتەدى.

«كۇيەۋىڭىز نە سۇراسا دا، «امىرىڭىزگە قۇلدىق»، دەپ جاۋاپ بەرۋ كەرەك» دەلىنگەن ۆيدەودا.

قىتايدىڭ Global Times  گازەتىنىڭ مالىمەتىنشە، 2011 جىلى اشىلعان ينستيتۋت قىزمەتكەرلەرى مەكەمەنىڭ جابىلۋىنا قارسى نارازىلىق شەرۋىنە شىقتى.

فۋشۋنداعى جەرگىلىكتى ءبىلىم بەرۋ مەكەمەسىنىڭ سايتىندا، ينستيتۋتتاعى ءبىلىم بەرۋ جۇيەسى سوسياليستىك پرينسيپتەرگە كەرەعار ەكەنى جانە جاقىن ارادا جابىلۋ كەرەك ەكەنى جازىلعان.

بيلىك وزگە دە ءبىلىم بەرۋ مەكەمەلەرىن تەكسەرۋگە تاپسىرما بەردى.

«ءبىز سوسياليستىك قۇندىلىقتارعا قارسى كەز كەلگەن مەكەمەگە قارسى تۇرۋىمىز كەرەك» دەلىنگەن بيلىك مالىمدەمەسىندە.