بانگلادەش پەن ميانما بيلىگى قاراشانىڭ سوڭىندا روحيندجا مۇسىلماندارىن قايتارۋ جونىندەگى كەلىسىمگە قول قويدى دەپ حابارلايدى Qamshy.kz اقپارات اگەنتتىگى ريا نوۆوستي-عا سىلتەمە جاساپ.
كەلىسىمگە سايكەس، ميانما تەك 25ء-شى تامىزدان كەيىن نەمەسە وتكەن جىلدىڭ 9-شى قازانىنان كەيىن ەلدەن قاشقانداردى عانا قايتارا الادى.
بۇۇ-نىڭ بوسقىندار ءىسى بويىنشا كوميسسار ديەۆانداس اگيلار اتالعان كەلىسىمدى سىنادى.
ەستەرىڭىزگە سالا كەتەيىك، ميانمانىڭ باتىسىنداعى روحيندجا مۇسىلماندارى تۇراتىن راكحاين شتاتىندا 25ء-شى تامىزدا جاعداي ۋشىعا ءتۇستى. «روحيندجالىقتاردى قورعايتىن ارقاندىق ارميا» قوزعالىسى 30 پوليسيا پۋنكتىنە شابۋىل جاسادى. سونىڭ ناتيجەسىندە جۇزدەگەن ادام كوز جۇمدى. ميانمانىڭ قورعانىس كۇشى جاۋاپ رەتىندە روحيندجا مۇسىلماندارىن قىردى. 600 مىڭ روحيندجالىقتار بانگلادەشكە قاشۋعا ءماجبۇر بولدى.
