شەتەلدە بوي تاسالاپ جۇرگەن جەمقورلاردى ەلگە قايتارۋ – ءار مەملەكەت ءۇشىن اكتۋالدى ماسەلەگە اينالعان. بۇل تۋرالى ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ ءتوراعاسى قايرات قوجامجاروۆ استانادا وتكەن xالىقارالىق كونفەرەنسيادا جەمقورلىققا قارسى ىس-ارەكەتتەر ماسەلەلەرىن تالقىلاۋ بارىسىندا ايتتى، دەپ جازادى Qamshy.kz اقپارات اگەنتتىگى.

ونىڭ سوزىنە سۇيەنسەك، قازىرگى ۋاقىتتا دەففراسيالاۋ جانە شەتەلدىك بانكتەردەگى يەلەرىنىڭ شوتتارىن انىقتاۋ بويىنشا بەلسەندى جۇمىستار اتقارىلىپ جاتىر.

سوڭعى جىلدا شەتەلگە قاشقان 205 جەمقوردىڭ 152ء-سى ەلگە قايتارىلعان. ءالى كۇنگە دەيىن جەمقور مينيسترلەر مەن اكىمدەر شەتەلدە تىعىلىپ ءجۇر. ولاردىڭ بارلىعى 8 ملرد دوللاردان استام قاردىنى جىمقىرىپ كەتكەن.

«ارينە، ءبىرىنشى كەزەكتە ۇيىمداسقان قىلمىستىق توپتىڭ جەتەكشىسى ءابليازوۆ پەن حراپۋنوۆتاردى اتاپ وتكەن ءجون. بۇگىندە ولار ساياسي باسپانانىڭ ارقاسىندا جازادان قۇتىلىپ كەتەمىز دەپ ويلايدى. ءبىراق ءبىز ولاردىڭ جازادان قۇتىلا المايتىنىنا سەنىمدىمىز. ءبىز شەتەلدىك ارىپتەستەرىمىزبەن بىرلەسە وتىرىپ، ءاربىر جەمقوردىڭ ءتيىستى جازاسىن بەرەمىز، - دەدى قايرات قوجامجاروۆ.

وسى ۋاقىتقا دەيىن قازاقستان جەمقورلار مەن ولاردىڭ اكتيۆتەرىن قايتارۋ بويىنشا 40-تان استام مەملەكەتپەن xالىقارالىق كەلىسىمدى راسىمدەدى. ارىپتەستەردىڭ ىشىندە يسپانيا، تۇركيا، وڭتۇستىك كورەيا، بىرىككەن اراب امىرلىكتەرى، ليتۆا جانە تاعى باسقا ەلدەر بار.

قوجامجاروۆتىڭ ايتۋىنشا، ءابليازوۆ وسى جىلدىڭ ماۋسىمىندا سوت شەشىمىمەن ايىپتى دەپ تانىلدى.

«وندا ابىليازوۆپەن، ونىڭ سىبايلاستارىنىڭ مەملەكەتتىك بيۋدجەتتەن ميللياردتاعان قارجىنى الىپ شىققاندارى تۋرالى سحەما كورسەتىلگەن. قازىرگى تاڭدا ول شەتەلدە ءجۇر، الايدا ءبىز با پروكۋراتۋرا جانە وزگە دە ورگاندارمەن بىرلەسە وتىرىپ، ءابلياوۆتى سوت الدىنا اكەلۋ ءۇشىن جۇمىستار اتقارۋدامىز. بۇل ءىسىمىز وڭ ناتيجەسىن بەرەتىنىنە سەنىمدىمىن»، - دەدى قوجامجاروۆ.