ءبىر ساتتە  مۇگەدەك كۇيەۋى مەن اۋرۋ بالاسىمەن جالعىز قالعان ايەلدىڭ باسىنان وتكەن وقيعاسىن Qamshy.kz اقپارات اگەنتتىگى لەنتا.رۋ-عا سىلتەمە بەرىپ جازادى.

دميتريي   ۇيلەنىپ، كەز كەلگەن وتباسى سياقتى بالا-شاعالى بولۋدى قالاعان. الايدا قۇداي جۇبايى ەكەۋىنە ەگىز سىيلاعان. ەڭ قيىنى، ولاردىڭ قىزدارى الينا امان-ەسەن تۋىلسا، ۇلدارى ارتۋر تۇنشىعىپ، ءتىرى قالۋى ەكىتالاي بولعان. ۇلدارى امان قالسا دا،  دەنساۋلىعىندا اقاۋ بارى انىقتالعان.

وسى ۋاقىتتارى ايەلدىڭ جۇبايى قۇرىلىستا اياعىن سىندىرىپ، ونىڭ اياعىن امپۋتاسيالاۋعا (كەسۋگە) تۋرا كەلگەن. ءبىر ساتتە  مۇگەدەك كۇيەۋى مەن اۋرۋ بالاسىمەن جالعىز قالعان ايەل ءومىرى جايلى بىلاي دەيدى:

«كۇيەۋىمىز ەكەۋىمىزدىڭ تانىسۋىمىز قىزىق بولدى. ون ەكى جىل ءجۇزىن كورەمەگەن قۇربىمدى الەۋمەتتىك جەلى ارقىلى تاۋىپ الىپ، ونىڭ ۇيىنە قوناققا بارعان بولاتىنمىن. قۇربىممەن سويلەسىپ، تانىسىپ بولعان سوڭ، ول ماعان ءقازىر ۇيگە  ءبىر جىگىت كەلەدى، سول جىگىتتى قايىن سىڭلىممەن تانىستىرامىن دەدى. ءبىر كەزدە الگى جىگىت، (ەسىمى ديما ەكەن) ۇيگە كىرىپ كەلدى: كيىمى ۇسقىنسىز، كىر، دەنەسى بوياۋ - جۇمىستان كەلە جاتىر ەكەن. امانداستىق تا، مەن ارى قاراي ىدىس جۋىپ كەتتىم. ءبىراز ۋاقىت وتكەن سوڭ، قاراسام، كيىمىن اۋىستىرىپ الىپ، جەيدە كيىپ الىپتى.

ەڭ قىزىعى، قۇربىمنىڭ قايىن سىڭلىسىمەن قوسىلۋدىڭ ورنىنا ول  مەنىمەن قوسىلدى»-دەيدى ايەل.

«مەن ءبىرىنشى نەكەدە 8 جىل تۇردىم. ءبىرىنشى نەكەدەن بالالارىمىز بولعان جوق، كەيىن اجىراسىپ كەتتىك. ءبىر كۇنى دوستارىم حابارلاسىپ باسقا قاالعا شاقىردى. بىزگە كەل، جۇمىس تا، جاقسى قىز دا تاۋىپ بەرەمىز دەدى. دوستارىمنىڭ ۇيىنە قوناققا باردىم، سويتسەم الدىمدا سۇپ-سۇلۋ قىز تۇر. "ءماسساعان!" دەدىم. ودان كەيىن سۇلۋ قىز ءوز ۇيىنە قايتىپ كەتتى. حابارلاسىپ تۇردىق، سودان كەيىن ۇيلەندىك»-دەيدى دميتريي.

"بالالارىمىز تۋىلدى. ءبىر ەمەس بىردەن ەكەۋ بۇيىردى. ءبىر جاعىنان قۋانىشتى جاڭالىق  بولسا، ەكىنشى جاعىنان كوكەيدە قورقىنىش بولدى. ولار تۋىلا سالا، جۇمىستا اياعىمدى سىندىرىپ الدىم. قۇرىلىستا جۇرگەندە ساتىدان قۇلاپ اياعىم شىعىپ كەتتى. اۋرۋحانادا اياعىمدى كەسەمىز دەدى. جالپى بارلىعى 13 وتا جاسالدى. جۇرە المادىم. بالالارىمدى وتىرىپ قارايتىن بولدىم. ءوزىم بالا سياقتى قاۋقارسىز بولدى دا قالدىم"-دەيدى ەكى بالانىڭ اكەسى مۇگەدەك بولىپ قالعان دميتريي.

«ەگىزدەر بولاتىنىن بىلگەندە شوشىدىم. جۇكتىلىك مەن ءۇشىن اۋىر بولدى. بۇيرەگىم اۋىرعاندىقتان، ولاردى كوتەرۋ قيىن بولدى. بوسانعان كەزدە دە قاتتى قينالدىم. بالالارىم ۋاقىتىنان بۇرىن دۇنيەگە كەلدى.  دارىگەرلەر ۇلىمنىڭ امان قالۋى ەكىتالاي دەدى. جانساقتاۋ بولىمىندە ءبىر جارىم اي جاتتىق. اۋرۋحانادان شىقتىق، ارتۋر ۇلىم امان قالدى. ءقازىر ەكى بالام دا ەكى جاستا. قىزىم سويلەيدى، ال ۇلىم بولسا ءبىر نارسەنى بىرنەشە رەت ايتقاندا عانا ەستىپ، كەيبىر نارسەلەردى تۇسىنبەي ءجۇردى. دارىگەرلەرگە بارىپ قارالعان سوڭ، ۇلىمنىڭ ەستۋ قابىلەتى ناشار ەكەنى انىقتالدى. ەمدەلىپ جۇردىك. سول ۋاقىتتا ۇلىم قايتا اۋىرىپ قالىپ، ەستۋى ءتىپتى ناشارلاپ كەتتى. ارنايى اپپارت قۇرالىن ساتىپ الىپ ەندى سونىڭ كومەگىمەن ارتۋر جاقسى ەستيتىن بولدى»-دەيدى ەكى بالانىڭ اناسى.

ءبىز كۇيەۋىم ەكەۋمىز، بالالارىمىزبەن جاماندىق جايلى ويلاماۋ كەرەك دەپ ەسەپتەيمىز. ماحاببات پەن جاقسى كوڭىل-كۇي عانا ادامعا كۇش بەرەدى. اشتىقتان باسقانىڭ بارلىعىنا توزۋگە بولادى. ءبىز تاعدىردىڭ كەز كەلگەن سىناعىنا دايىنبىز دەيدى ايەل.