25 جاستاعى سيلۆيا باتاللانىڭ ءسابيى كوز جۇمعاندا، ايەلدىڭ بالاسىن جەرلەۋ ءۇشىن اقشاسى بولماعان. سول سەبەپتى سيلۆيا ءسابيدىڭ دەنەسىن پاكەتكە سالىپ، ءوزى دۇنيەگە كەلگەن پۋەبلا قالاسىنا جەتكىزبەك بولادى. 140 شاقىرىم جولدا ايەل ءولى ءسابيدىڭ دەنەسىن اۆتوبۋستا ۇستاپ وتىرعان. بۇل تۋرالى جەرگىلىكتى ب ا ق جازادى.
سيلۆيا سىرقات ءسابيىن امان ساقتاپ قالۋ ماقساتىندا ونى ورتالىق اۋرۋحاناعا اپارماق بولادى. الايدا ءسابي اۋرۋحاناعا جەتپەي جۇرەك اۋرۋىنان قازا تاپتى. تاكسيگە اقشاسى بولماعان ايەل ءسابيدىڭ دەنەسىن تۋعان قالاسىندا جەرلەۋ ءۇشىن اۆتوبۋسپەن جەتپەك بولعان.
مۇنى بىلگەن اۆتوبۋس جۇرگىزۋشىسى جاعدايدىڭ ءمان-جايىن تۇسىنبەي الدىمەن پوليسەي قىزمەتكەرلەرىنە حابارلاسادى. كەيىن ءسابيدىڭ ۇزاق ۋاقىتتان بەرى ءولى جاتقانى انىقتالىپ، ايەلدىڭ اۆتوبۋستان تۇسۋىنە تۋرا كەلەدى.
