قازاقستاندىق ازامات پەن ونىڭ سىبايلاسى فەرمەردى ءولتىرىپ، كەيىن ءولى دەنەنى شوشقالارعا جەم قىلعان. بۇل تۋرالى ريا نوۆوستي ومسك وبلىستىق پروكۋراتۋرانىڭ باسپا ءسوز قىزمەتىنە سىلتەمە جاساپ حابارلايدى، دەپ جازادى Qamshy.kz اقپارات اگەنتتىگى.

«ومسك وبلىستىق سوتى قازاقستان رەسپۋبليكاسىنىڭ 40 جاستاعى ازاماتى مەن ومسك وبلىسى ليۋبينسك اۋدانىنىڭ 43 جاستاعى ازاماتشاسىنا قاتىستى قىلمىستىق ءىس بويىنشا ۇكىم شىعاردى»، - دەلىنگەن حابارلامادا. ەر ادام 17 جىلعا قاتاڭ تارتىپتەگى كولونياعا قامالدى. ال ونىڭ كامەلەت جاسقا تولماعان ءۇش بالاسى بار سىبايلاسى جالپى رەجيمدەگى كولونياعا 9 جىلعا قامالدى.

ۆەدومستۆونىڭ مالىمەتىنە سۇيەنسەك، كۇدىكتىلەر ليۋبينسك اۋدانىنىڭ تۇرعىنى 57 جاستاعى فەرمەردى توناماق بولادى.

وزدەرىنىڭ جانتۇرشىگەرلىك جوسپارىن جۇپ 2017 جىلدىڭ 14 اقپانىندا ىسكە اسىردى. ول ۋاقىتتا ەر مەن ايەل فەرمەردىڭ كومپانياسىندا اۋليە ۆالەنتين كۇنىن تويلاپ جاتقان كورىنەدى. ءسويتىپ فەرمەردىڭ اقشاسىن توناماق ماقساتتا قازاقستان ازاماتى ونى قىلقىندىرىپ ولتىرەدى.

ءوز قىلمىستارىن جاسىرۋ ءۇشىن فەرمەردىڭ دەنەسىن شوشقا فەرماسىنا اپارىپ، جانۋارلارعا جەم قىلادى»، - دەپ حابارلاندى پروكۋراتۋرادا.

ال فەرمەردىڭ جوعالعانى جايىندا پوليسەي قىزمەتكەرلەرى بىرنەشە كۇننەن كەيىن ءبىراق ءبىلدى. كۇدىكتىلەر ءوز كىنالارىن مويىندىپ، فەرمەردىڭ 200 مىڭ ءرۋبلىن توناعانىن ايتتى.