تورەعالي تورەالى قىزۋ تالقىعا تۇسكەن ۆيدەوعا قاتىستى جاۋاپ بەردى، دەپ حابارلايدى Qamshy.kz اقپارات اگەنتتىگى.
ەلىمىزگە تانىمال ءانشى تورەعالي تورەالىنىڭ كورەرمەندەرگە ۇرسىپ جاتقان ۆيدەوسى الەۋمەتتىك جەلىدە قىزۋ تالقىلانىپ جاتىر. اتالعان ۆيدەو تۋرالى كوپشىلىكتىڭ پىكىرى ەكىگە ءبولىندى. ال ءانشىنىڭ ءوزى بولسا ينستاگرام پاراقشاسىنا "وتىرىك" دەگەن سۋرەتتى جاريالادى. ءانشىنىڭ ناقتى نە ايتقىسى كەلگەنىن كوپشىلىك تۇسىنبەسە دە، الەۋمەتتىك جەلىدەگى ۆيدەومەن بايلانىستى دەپ بولجادى.
الەۋمەتتىك جەلى قولدانۋشىلارىنىڭ پىكىرى بويىنشا تورەعالي تورەالىنىڭ كەشى اتىراۋ نەمەسە اقتاۋ قالاسىندا وتكەن. كەيبىر وقىرمان بۇل ۆيدەونىڭ مونتاج ەكەنىن ايتسا، ەندى ءبىرى ءانشىنىڭ دورەكى ارەكەتىن سىناۋدا.
