27 جەلتوقساندا تۇنگى ساعات ءبىر كەزىندە "112" نومىرىنە بەلگىسىز ادام حابارلاسىپ، استانا قالاسىنىڭ ەسكى تەمىرجول ۆوكزالىنا جارىلعىش زات ورناتىلعانىن حابارلاعان. ۆوكزال اۋماعىنان 150 ادام ءقاۋىپسىز جەرگە شىعارىلدى، وقيعا ورنىندا جەدەل قىزمەتتەر جۇمىس ىستەگەن دەپ حابارلايدى Qamshy.kz اقپارات اگەنتتىگى  استانا قالاسىنىڭ كولىكتەگى ىشكى ىستەر دەپارتامەنتى باسپا ءسوز قىزمەتىنە سىلتەمە جاساپ.

پوليسيا ەلوردالىق ۆوكزالعا بومبا قويىلدى دەپ جالعان حابار بەرگەن ەر ادامدى ۇستادى.

وقيعا ورنىنا بارلىق جەدەل قىزمەت شۇعىل كەلىپ جەتتى. ۆوكزال اۋماعى قورشالىپ، 150 ادام ءقاۋىپسىز جەرگە شىعارىلدى، ولاردىڭ 50ء-ى – تەمىرجول قىزمەتكەرى، 100ء-ى – جولاۋشىلار.

عيماراتتى ءتىنتۋ بارىسىندا جارىلعىش قۇرىلعى تابىلعان جوق. اتالعان دەرەك جالعان تەرروريزم بابى بويىنشا سوتقا دەيىنگى تەرگەۋ امالدارىنىڭ ءبىرىڭعاي رەەسترىنە تىركەلگەن.

جەدەل ىزدەۋ شارالارى ناتيجەسىندە ۆوكزالداعى "بومبا" تۋرالى حابارلاعان 64 جاستاعى ەر ادام ۇستالدى، ءقازىر ۋاقىتشا ۇستاۋ يزولياتورىندا وتىر.

ۆوكزال شتاتتىق رەجيمدە جۇمىس ىستەپ، پويىزدار كەشىكتىرىلگەن جوق.

جالعان حابار بەرگەن قارت ادام التى جىلعا سوتتالۋى مۇمكىن.