«ميلان»، «موناكو»، «پسج» فۋتبول كوماندالارىندا ويناعان، 1995 جىلى «التىن دوپ» يەگەرى اتانعان دجوردج ۆەا ليبەريانىڭ پرەزيدەنتى بولدى. 51 جاستاعى ساياساتكەر پرەزيدەنتتىك سايلاۋدىڭ ەكىنشى تۋرىندا جەڭىسكە جەتكەن، دەپ جازادى Qamshy.kz اقپارات اگەنتتىگى. 

ول – اتى اڭىزعا اينالعان فۋتبولشى. 1990 جىلدارى ەۋروپانىڭ ەڭ ۇزدىك ويىنشىسى اتانعان. 1995 جىلى ۆەا «التىن دوپ» يەگەرى بولعان ەڭ العاشقى افريكالىق فۋتبولشى رەتىندە اتاعى شىقتى. ول ۋاقىتتا «پسج» كومانداسىنىڭ اتىنان شىعىپ ءجۇردى. ال 1995 جىلى «ميلان» كومانداسىنا ءوتىپ، يتاليانىڭ ەكى چەمپيوناتىندا دا جەڭىسكە جەتتى.  ءسويتىپ، ول 125 ۇزدىك فۋتبولشىلار تىزىمىنە ەندى.

1995-2003 جىلدار ارالىعىندا ازاماتتىق سوعىس بولدى. ۆەا بۇل ۋاقىتتا انگليا، فرانسيا، ءباا-داعى مانسابىن اياقتاعان. ءبىراق ۇرىس بارىسىندا زارداپ شەككەن جاندارعا كومەك قولىن تيگىزىپ ءجۇردى. سونداي-اق افريكالىق مەملەكەتتەردى ارالاپ، جاعدايى تومەن وتباسىلارعا قولىنان كەلگەنشە كومەكتەسىپ تۇردى. سول ۋاقىتتا فۋتبولشى سپورت مانسابىن اياقتاعان سوڭ ساياساتقا بەت بۇراتىنىن ءبىلىپ تە، سەزىپ تە جۇرگەن. «تاجىريبەم بولماسا دا، جاقسى ىستەرمەن اينالىسقىم كەلەدى: ليبەريا تۇرعىندارى ەشتەڭەدەن تارلىق كورمەسە ەكەن دەيمىن، جارىعى دا، وتىنى دا تۇگەل بولسا...»، - دەگەن ەدى ۆەا.

ءسويتىپ، ۆەا «دەموكراتيالىق اۋىسىم كونگرەسى» پارتياسىن قۇردى دا، ءوزىن جوعارعى لاۋازىمداعى ۇمىتكە رەتىندە ۇسىندى. جاڭا ساياساتكەردىڭ كامپانياسى اۋقىمدى بولدى – ول مىقتى دەگەن جازۋشىنىڭ ءوزىنىڭ قولىنان كەلمەگەن ەل بىلمەيتىن مەكەندەرگە بارىپ، اقپارات جيناپ ءجۇردى. رسى ماقساتتا ۆەا King FM راديوسى مەن Clar tv تەلەارناسىن اشتى. تەلەارنا دجوردجدىڭ ايەلىنىڭ اتىمەن اتالدى.

الايدا ۆەا سايلاۋدا جەڭىلىس تابادى. العاشقى تۋردا 23،7 پايىز داۋىس جيناعان، ال ونىڭ قارسىلاسى دجنونسون سەرليف 14،9 پايىز جيناعان. ەكىنشى تۋردا دجونسون سەرليف فۋتبولشىدان 59،5 پايىزبەن اسىپ ءتۇستى. ۆەا سايلاۋدىڭ ادىلەتسىز وتكەنىن العا تارتىپ، نارازىلىق بىلدىرگەن. ءبىراق افريكالىق وداق ونىڭ نارازىلىعىن قابىلدامادى. 2011 جىلى تاعى باعىن سىناماق بولادى. بۇل جولى پارتيا ديپلومات ۋينستون تابمەندى تاڭدادى.

سايلاۋعا دەيىن ۆەا اقش-قا بارىپ، مەملەكەتتىك باسقارۋ، ساياساتتانۋ جانە مەنەدجمەنت سالالارىنىڭ قىر-سىرىمەن تانىسىپ قايتادى. 2014 جىلى كىشىگىرىم جەڭىسكە قول جەتكىزدى – مونتسەررادو گرافتىعى سەناتورىنىڭ كرەسلوسى بۇيىرادى. ءسويتىپ «ءۇمىت جولىندا وزگەرۋ» سايلاۋالدى ناۋقانىن وتكىزەدى.

حالقىنىڭ سۇيىسپەنشىلىگىنە بولەنىپ، جاستاردىڭ پىرىنە اينالعان دجوردج ۆەا 2017 جىلى پرەزيدەنتتىك سايلاۋدا 38،4 پايىز داۋىسپەن جەڭىسكە جەتتى.

«وتباسىما، دوستارىما، سايلاۋ الدىندا قولداۋ كورسەتكەن بارشا جاقتاۋشىلارىما العىسىمدى بىلدىرەمىن»، - دەپ جازدى ۆەا ءوزىنىڭ تۆيتتەردەگى پاراقشاسىنا.

ايتا كەتەيىك، بۇگىندە 51 جاستاعى ۆەا «التىن دوپ» يەگەرى اتانعان العاشقى فۋتبولشى.