ءبىر جىل بۇرىن ازامات ساتىبالدانىڭ «ءبىر سەن ءۇشىن» ءفيلمى ۇلكەن ەكرانعا شىقتى. وندا باستى رولدەردىڭ ءبىرىن اتىشۋلى ايجان بايزاكوۆا سومداعان. اكتەر ونىڭ ءوز ءرولىن جاقسى الىپ شىققانىن ايتادى. جانە كلۋبتا بولعان جاعدايدى قۇپتامايتىنىن جەتكىزدى.
«ءقادىرلى اعايىن، ايجان بايزاكوۆانىڭ توڭىرەگىندەگى داۋدا مەنىڭ دە اتىم اتالىپ، ءبىراز سۇراقتار كەلىپ جاتىر. بەرەر جاۋابىم مىناۋ:
- ءبىز، “ءبىر سەن ءۇشىن” ءفيلمىن ەكى جىل بۇرىن تۇسىردىك. ول كەزدە بايزاكوۆانىڭ كىم ەكەنىن ەشكىم بىلمەيتىن. بىلمەيتىندەردىڭ ىشىندە مەن دە بارمىن. بۇل ايجاننىڭ ۇلكەن كينوداعى العاشقى ءرولى، سەريالداردى ساناماعاندا....
ول كينوعا كەزەكتى كاستينگ ارقىلى ءوتتى. شىنى كەرەك كاستينگكە قاتىسقان بارلىق اكتريسالاردان وق بويى الدا تۇردى. سەناريدەگى ينديرانىڭ وبرازىن تولىق جەتكىزە ءبىلدى. وسىنداي اكتريسا تاپقانىمىزعا قۋانعانىمىز دا وتىرىك ەمەس. سەنبەسەڭىزدەر كينونى قايتا كورىپ شىعىڭىزدار. ءوز ءرولىن وتە جوعارى دەڭگەيدە الىپ شىققان.
- ونىڭ جەكە ومىرىندە ەش شارۋام جوق. اركىم ءوز ومىرىنە ءوزى جاۋاپتى.
ونى اكە-شەشەسى نەمەسە باۋىرلارى تاربيەلەۋ كەرەك. قۇر ايقايدان نە پايدا،ادام ءوزى تۇسىنبەسە. كۇرسىنەسىڭ دە قوياسىڭ.
مەن ەر ازامات رەتىندە،كلۋبتا جاسالعان ارەكەتتى قۇپتامايمىن.
قۇداي ساقتاسىن» دەپ جازدى ازامات ساتىبالدى ءوزىنىڭ ينستاگرام پاراقشاسىنا.
پىكىر قالدىرۋ