مىنا وقيعالاردى وقي وتىرىپ، ناعىز قاتىگەزدىك پەن سوراقىلىققا كۋا بولاسىڭ.

قىز بالانى «سۇندەتتەۋ» تۋرالى ەسىگەنىڭىز بار ما؟ بۇل – ايەل ادامنىڭ سىرتقى جىنىس مۇشەلەرىن جارتىلاي نەمەسە تولىق تۇردە الىپ تاستاۋ. مۇنداي وتا ءتۇرى باعزى زامانداردا قولدانىلعان. الايدا، قازىرگى تاڭدا ازيانىڭ كەيبىر ەلدەرى مەن تاياۋ شىعىس، افريكا ەلدەرىندە بۇل پروسەدۋرا ءالى دە ءوزىنىڭ قولدانىستاعى وزەكتىلىگىن جويماي كەلەدى.

بۇگىنگى كۇنى وسىنداي سالت-جورانى باستان وتكەرگەن 125 ميلليون ايەل بار ەكەن.

اشا مايلز ەسىمدى تانىمال فوتوگراف پەن جۋرناليست ناديا پيانكوۆا  قاتىگەز سالتتىڭ قۇربانىنا اينالعان  گامبيا ايەلدەرىنىڭ تاعدارى تۋرالى جوبا جاساعان. وسى ايەلدەردىڭ وقيعالاردىڭ ءبىرسىپىراسىن  Qamshy.kz اقپارات اگەنتتىگى جاريالاعان بولاتىن. تاعى بىرنەشە ايەلدىڭ باسىنان وتكەنىن  وقىرمان  نازارىنا ۇسىنامىز.

فاتۋ بودجانگ، 52 جاستا

«مەنىڭ قالاي سۇندەتتەلگەنىم ەسىمدە جوق. سەبەبى بۇل پروسەسس ءسابي كەزىمدە جاسالعان. ءبۇل-داستۇر، سوندىقتان، انام بارلىق اتا-انالار ىستەۋگە ءتيىستى نارسەنى ىستەدى. بۇل پروسەستىڭ ءسابي كەزىمدە جاسالعانى جاقسى بولدى دەپ ويلايمىن. سەبەبى ەسەيگەن سايىن اۋىرسىنۋدى قاتتىراق سەزىنەسىڭ. كەيىنىرەك باسقا ايەلدەر مەنى قىزداردى سۇندەتتەۋگە ۇيرەتتى. 17 جاسىمنان باستاپ كىشكەنە قىزدارعا وسى وتانى جاساي باستادىم. مەنىڭ تاجىريبەمدە بىردە-بىر رەت قيىندىق تۋعان كەزدەر بولماپتى. وسىدان ءبىر جىل بۇرىن وتانى جاساۋعا تىيىم سالىنعان سوڭ، بارلىق قۇرال-جابدىقتارىمدى جەرگە كومىپ تاستاۋعا تۋرا كەلدى. سۇندەتتەۋگە تىيىم سالىنعانىنا، زاڭنىڭ قابىلدانعانىنا شىندىعىندا، ريزا ەمەسپىن. مەنىڭشە، ءبىز ءداستۇرىمىزدى ساقتاۋىمىز كەرەك. مۇندا تۇرعان ەشقانداي سۇمدىق نارسە جوق. ەگەر قولىڭ جەڭىل بولسا، ەشقانداي قيىندىق تۋمايدى. ايەل ادام ءۇشىن وتباسى مەن كۇيەۋى جىلۋ سىيلايدى.  باسقاسى- ماڭىزدى ەمەس»-دەيدى ايەل.

ەمي سوۆە، 19 جاس

«مەن 3 جاستا بولعان كەزدە سۇندەتتەلدىم. سوندىقتان سالتاناتتى ءراسىمنىڭ قالاي وتكەنى ەسىمدە جوق. تەك كەيىن بويجەتكەن سوڭ عانا قانداي سۇمدىقتى باستان وتكەرگەنىمدى ءبىلدىم. مەكتەپتە دە، تەلەديداردا دا بۇل وتانىڭ دۇرىس ەمەس ەكەنىن ايتاتىن. ءقازىر مۇنىڭ تىيىم سالىنعانىنا قۋانامىن. ءوزىمنىڭ دە دەنساۋلىعىممەن قيىندىقتارىم بار. ءىشىم اۋىرادى، ال وزىمنەن كەيىنگى ءسىڭىلىم كىشى دارەت كەزىندە قينالادى. سول ءۇشىن ايلاپ مەكتەپكە بارمايتىن. وسى جاعدايلاردان كەيىن انام باسقا سىڭىلىلەرىمدى سۇندەتتەۋدەن باس تارتتى. ازىرگە تۇرمىس قۇرۋ تۋرالى ويلامايمىن.

بولاشاعىم ءۇشىن قورقامىن. كۇيەۋىممەن باقىتتى بولامىن با دەگەن سۇراقتار مازالايدى. مەنىڭشە، كەز كەلگەن ايەل جاقسى ەر ادامعا، جاقسى كۇيەۋگە لايىقتى. مەن ەشقاشان مۇنداي قىلمىستى ءوز قىزدارىما جاساماسپىن».