2018 جىلعى 3 مەن 12 قاڭتار ارالىعىندا ق ر پارلامەنتى ءماجىلىسىنىڭ دەپۋتاتتارى مەيرام پىشەمبايەۆ پەن ارتۋر پلاتونوۆ پاۆلودار وبلىسىنىڭ حالقىمەن كەزدەسەدى، دەپ جازادى Qamshy.kz اقپارات اگەنتتىگى. بۇل تۋرالى primeminister.kz سايتىندا حابارلاندى.

3 قاڭتاردا پارلامەنت ءماجىلىسىنىڭ دەپۋتاتتارى قالقامان اۋىلىنىڭ ورتا مەكتەبىن، قالقامان بالالار ءۇيىن، دارىگەرلىك امبۋلاتوريانى، سونداي-اق اقسۋ  قالاسى قالقامان اۋىلىنىڭ سۋ تارتقىش ۋچاسكەسىن ارالاپ كوردى.

كەزدەسۋ بارىسىندا ءوڭىردىڭ الەۋمەتتىك-ەكونوميكالىق دامۋىنىڭ باسىمدىقتى ماسەلەلەرى تالقىلاندى. اتاپ ايتقاندا، مۇعالىمدەردىڭ جالاقىسىن كوتەرۋ، قالقامان اۋىلىندا شلاگباۋم قۇرىلعىسى بار تەمىرجول وتكەلىن سالۋ ماسەلەلەرى قوزعالدى، سونداي-اق پوگرانيچنيك اۋىلىندا سۋمەن قامتۋ جەلىلەرىن جوندەۋگە رەسپۋبليكالىق بيۋدجەتتەن قاراجات ءبولۋ ماسەلەلەرى قارالدى.

جۇمىس ساپارى اياسىندا دەپۋتاتتار «نۇرلى جول» مەملەكەتتىك باعدارلاماسى نىساندارىنىڭ جاي-كۇيىن زەرتتەۋگە، سونداي-اق ازاماتتاردى وزدەرىنىڭ زاڭ شىعارۋ قىزمەتى تۋرالى اقپاراتتاندىرۋعا نيەتتى. تاياۋ كۇندەرى م. پىشەمبايەۆ پەن ا. پلاتونوۆ پاۆلودار، ەكىباستۇز قالالارىنا، قاشىر، ماي، شارباقتى اۋداندارىنا، سونداي-اق پاۆلودار وبلىسىنىڭ ءبىرقاتار اۋىلدىق وكرۋگتەرىنە بارادى دەپ جوسپارلانعان.